დიდ ბრიტანეთში, ლივერპულში, Women’s Hospital-თან ტერორისტმა ტაქსი აფეთქა, _ ამის შესახებ BBC წერს.
როგორც ტელეკომპანია წერს, ტაქსის მგზავრი ადგილზევე დაიღუპა, მძღოლი კი ექიმების მეთვალყურეობის ქვეშაა და მისი მდგომარეობა სტაბილურია.
BBC – ის ინფორმაციით, ტერორიზმის ბრალდებით, 21, 26 და 29 წლის კაცები კენსინგტონის რაიონში დააკავეს.
ამ დრომდე ჰოსპიტალთან მობილიზებულია პოლიცია და სახანძრო-სამაშველო ეკიპაჟი. საჭირო გახდა მიმდებარედ მცხოვრები ადამიანების ევაკუაცია. ასევე ქალაქის სხვადასხვა გამზირზე პოლიციის რეიდია.
აღნიშნულ ტერორისტულ თავდასხმას, გამოეხმაურა პრემიერ-მინისტრი ბორის ჯონსონი, მან ტვიტერზე დაწერა:
„ჩემი ფიქრები ეხება ყველას, ვინც დაზარალდა, დღეს ლივერპულში მომხდარი საშინელი თავდასხმის შედეგად.
მინდა მადლობა გადავუხადო სასწრაფო დახმარების სამსახურს სწრაფი რეაგირებისა და პროფესიონალიზმისთვის, პოლიციას კი გამოძიების მიმდინარეობისთვის“.
როგორც BBC წერს, „ლივერპულის ქალთა ჰოსპიტალი“, ყოველწლიურად, 50 ათასამდე პაციენტს იღებს და, თავისი სპეციალიზაციით, ევროპის უდიდესი სამედიცინო დაწესებულებაა.
[sexy_author_bio]
