ლუდსახარში კომპანია Boston Beer-მა ჩამოასხა ყველაზე მაგარი (ალკოჰოლის შემცველობა 27%) ლუდი Samuel Adams Utopias. ამერიკის ზოგიერთ შტატში მისი, როგორც ლუდის, გაყიდვა უკვე აკრძალეს, თუმცა ვირჯინიის შტატში ის მაინც იყიდება – 1 ბოთლი 130 დოლარად.
როგორც დამამზადებლები ამბობენ, ეს ლუდი გემოთი კონიაკს წააგავს და ბოთლიც კონიაკის მსგავსად არის დამზადებული. ამიტომ გვირჩევენ, არ მივიღოთ 56 გრამზე მეტი.
ამჟამად, გამოშვებულია 12 ათას ბოთლზე მეტი ამ სახეობის ლუდი. ჯიმ კოჰი, Boston Beer-ის დამაარსებელი, ერთ-ერთი პირველია, ვინც მაგარი ლუდის დამზადებას მიჰყო ხელი. 1994 წელს მან გამოუშვა Triple Bock – სიმაგრე 17,5%.
