ფრაქცია „ქართული ოცნების” თავმჯდომარე მამუკა მდინარეძე „ომეგა ჯგუფის” საქმესთან დაკავშირებით 13 არასამთავრობო ორგანიზაციის მიერ გაკეთებულ განცხადებას გამოეხმაურა და აღნიშნა, რომ ვიდრე სრულყოფილი ინფორმაცია არ იქნება ცნობილი ამ საქმესთან დაკავშირებით, დასკვნების გამოტანა ნაადრევია.
„როგორც მინიმუმ, ძალიან უხერხულ ან სასაცილო მდგომარეობაში შეიძლება აღმოჩნდენ არასამთავრობო ორგანიზაციების ის წარმომადგენლები, რომლებიც ნაჩქარევ და ნაადრევ დასკვნებს აკეთებენ კონკრეტულ ქეისთან დაკავშირებით.
საქმე გვაქვს ცალმხრივად წარმოებულ ნეგატიურ კამპანიასთან და ამის შეფუთვა ხდება გარკვეული გაუგებარი ჩანაწერებით, რომელთა დაკავშირებითაც გავრცელდა ექსპერტიზის დასკვნა, რომ საქმე გვაქვს მონტაჟთან.
გამოძიებამ უნდა დაადგინოს გაცილებით მეტი, სრულყოფილი ინფორმაცია და დეტალები, იმასთან შედარებით, რაც დღეს გვაქვს.
ამის შემდეგ უფრო დაბეჯითებით შეგვეძლება ამ საკითხზე მსჯელობა და იმ ადამიანებმა, რომელთაც პრეტენზია აქვთ ობიექტურობაზე ცალმხრივიინფორმაციის საფუძველზე არ უნდა გააკეთონ განცხადებები” – განაცხადა მამუკა მდინარაძემ.
შეგახსენებთ, რომ 13-მა არასამთავრობო ორგანიზაციამ ერთობლივი განცხადება გაავრცელა, რომელშიც აღნიშნულია, რომ მათ გამოძიების იმედი არ აქვთ.
არ გვაქვს გამოძიების იმედი, ქვეყანა იმართება კრიმინალებით _ არასამთავრობოები
