The New Voice Ukrine იუწყება, შავი ზღვის ფლოტის D-106 პროექტის 1176 Akula რუსული ამფიბიური თავდასხმის გემი აფეთქდა ნაღმზე მარიუპოლის მახლობლად.
მედიის მიერ გავრცელებული ინფორმაციით, გემის აფეთქების შესახებ ინფორმაცია ჯერ რუსულ მხარეს არ დაუდასტურებია.
“ველოდებით, დადასტურებას”,_ აცხადებენ ოდესას ხელისუფლებაში.
როგორც მანამდე გაირკვა, უკრაინული ძალების ძლიერი დარტყმების შემდეგ, რუსმა ოკუპანტებმა უკრაინის გველების კუნძულზე შავ ზღვაში ნაჩქარევად მოახდინეს გარნიზონის ნარჩენების ევაკუაცია ორი ჩქაროსნული ნავით.
რუსეთის ფედერაციის თავდაცვის სამინისტრომ დაადასტურა ცნობები გველების კუნძულიდან მისი ჯარისკაცების გაქცევის შესახებ და უწოდა მას “კეთილგანწყობის ჟესტი”, რომელიც ხელს შეუწყობს უკრაინული მარცვლეულის ექსპორტს ოდესიდან.
რუსეთი ინარჩუნებს უკრაინის პორტების ბლოკადას, რაც ხელს უშლის ქვეყნიდან მისი მარცვლეულის დიდი ნაწილის ექსპორტს. კრემლის სტრატეგია, როგორც ჩანს, არის სურსათის გლობალური დეფიციტის შექმნა, რათა მოხდეს ზეწოლა დასავლეთის ქვეყნებზე უკრაინის მხარდაჭერის გაყვანის მიზნით.
