საუდის არაბეთის საელჩოში დაღუპული ჟურნალისტის, ჯამალ ხაშოგის საცოლე, ჰატის ჩენგიზი BBC-ისთან საქმროს სიკვდილით გამოწვეული შოკის შესახებ საუბრობს და დამნაშავეების დასჯას ითხოვს.
ის ასევე აღნიშნავს, რომ საერთაშორისო გაერთიანებამ, ევროკავშირმა, ამერიკის შეერთებულმა შტატებმა მომხდარის შემდეგ თურქეთი მარტო არ უნდა დატოვონ.
„მასობრივი შოკია. ჩვენ ქორწილისთვის ვემზადებოდიოთ, მაგრამ, ერთ დღეს ასეთი რამ მოხდა და შოკში ვარ. ის შევიდა საკონსულოში და გარეთ აღარ გამოსულა. ჩვენ ერთმანეთს არ დავმშვიდობებივართ. როცა ვინმე იღუპება, ადამიანები მასთან გამოსამშვიდობებლად მიდიან. ამ შემთხვევაში ასე არ მოხდა. ჩვენ ის არ გვინახავს. არ ვიცოდით რა შეემთხვა. ვიდრე საუდის არაბეთმა ოფიციალურად არ დაადასტურა მისი სიკვდილი, იმედი არ დამიკარგავს, რომ ცოცხალი იყო. იმ დღეს მეც მოვკვდი. თავს იმით ვინუგეშებ, რომ შეიძლება, სიცოცხლის ბოლო წუთებში ფიქრობდა, რომ ჰყავდა, ვიღაც, ვინც ცხოვრების ბოლომდე უყვარდა“,_ამბობს დაღუპული ჟურნალისტის საცოლე.
ცნობითვის, ჯამალ ხაშოგი, The Wasington Post-ის ჟურნალისტი, რომელიც საუდის არაბეთის პოლიტიკის კრიტიკით გამოირჩეოდა, 2 ოქტომბერს, სტამბოლში, საუდის არაბეთის საკონსულოში შევიდა და გაუჩინარდა.
საუდის არაბეთმა ჟურნალისტის მკვლელობის შესახებ ინფორმაცია რამდენიმე დღიანი დუმილის შემდეგ დაადასტურა.
ამავე თემაზე:
„ვინ გასცა მკვლელობის ბრძანება?“_თურქეთის პრეზიდენტი საუდის არაბეთს
„არ ვიცით, სად არის ცხედარი“ _ საუდის არაბეთის საგარეო საქმეთა მინისტრი
გაუჩინარებული ჟურნალისტის საქმე _ პოლიცია ცხედარს ტყეში ეძებს
ვისთან აქვთ კავშირი ჟურნალისტ ხაშოგის გაუჩინარებაში ეჭვმიტანილებს
სტამბოლში ჟურნალისტი გაუჩინარდა _ ქვეყნები სანდო გამოძიებას ითხოვენ
