საავიაციო ასოციაცია “ავიაკომუნიკატორის” პრეზიდენტი, თამუნა თანდაშვილი, რომელიც კოვიდს რეანიმაციაში ებრძოდა, 20 წლის ფეხბურთელის გარდაცვალების შესახებ ფეისბუქის საკუთარ გვერდზე წერს.
“54 არ არის ციფრი. მათ შორის გულის გასაგლეჯი ბიჭია, მშვიდობით, ვახო, ვერ გადავრაზეთ რეანიმაციის კარი. არ მაქვს სიტყვები”, – წერს ის.
შეგახსენებთ, რომ გუშინ გავრცელდა ინფორმაცია, რომ რესპუბლიკურ საავადმყოფოში კორონავირუსით 20 წლის ფეხბურთელი ვახტანგ ჩარკვიანია გარდაიცვალა.
ის სამედიცინო დაწესებულებაში კორონავირუსის დიაგნოზით 12 დღის წინ შეიყვანეს. როგორც ირკვევა, სპორტსმენს ვირუსმა ფილტვები მნიშვნელოვნად დაუზიანა, რის გამოც ექიმებმა ფეხბურთელის გადარჩენა ვერ შეძლეს.
