“მდგომარეობა არის საყურადღებო” _ დელტა შტამით ინფიცირების შემთხვევები იზრდება

მდგომარეობა არის საყურადღებო და განსაკუთრებით ახალი შტამების ცირკულაციის პერიოდში, „დელტა“ შტამი მაქვს მხედველობაში, უკვე 72 შემთხვევაა ლაბორატორიულად დადასტურებული, – ამის შესახებ ჯანდაცვის მინისტრის მოადგილე მ საკოორდინაციო საბჭოს დასრულების შემდეგ განაცხადა.

„ბავშვებში COVID-19-ის მიმდინარეობა საყურადღებოა, დაახლოებით 200 საწოლი, რომელიც თბილისში იყო მობილიზებული, სრულად შეივსო, გამომდინარე იქიდან, რომ საჭირო გახდა ბავშვების ჰოსპიტალიზაცია. მდგომარეობა საყურადღებოა, „დელტა“ შტამი ცირკულირებს და რა თქმა უნდა, რისკები იმისა, რომ ბავშვებში COVID-19-ის შემთხვევები მოიმატებს, იზრდება“, – განაცხადა გაბუნიამ.

ამ დროისთვის საქართველოში კორონავირუსის 377 811 შემთხვევაა დადასტურებული. მათ შორის გამოჯანმრთელდა 359 939, გარდაიცვალა 5 468 პაციენტი.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

საქართველოში „ასტრაზენეკათი“ ვაქცინაცია 2021 წლის 15 მარტიდან დაიწყო, „ფაიზერით“ კი 30 მარტიდან. 3 აპრილს ქვეყანამ „სინოფარმის“ ვაქცინის 100 ათასი დოზა მიიღო. ამ ვაქცინის გამოყენება 4 მაისიდან დაიწყო, „სინოვაკით“ იმუნიზაცია კი 24 მაისიდან.