ცხადდება პაატა მახარაძის _ “ბართოლომეოს“ სახელობის ლიტერატურული კონკურსი სახელწოდებით _ „მე ვიმღერებ, შენ აშენე“ (ფრაზა გამოყენებულია პაატას ერთ-ერთი ლექსიდან) და ეს ფრაზა ესესა თუ ლექსში მოსწავლეების მიერ ინდივიდუალური ინტერპრეტაციით უნდა იქნას გამოყენებული.
პროექტის მიზანია გურიის რეგიონის მასშტაბით გამოვლინდეს სკოლის მოსწავლეების (9–12 კლასები) მიერ შექმნილი თითო პოეტური ან პროზაული ნაწარმოები, რომელიც ჯერ არსად დაბეჭდილა. მასალების მიწოდება მიმდინარე წლის მარტის ბოლომდეა შესაძლებელი (მასალები იგზავნება მისამართზე: belageorgia@yahoo.de).
სამი ფინალისტი გამოვლინდება 2023 წლის 15 ივნისს. ფინალური საღამო კი გაიმართება 2023 წლის ივლისში, სადაც მიწვეული იქნება კონკურსის ყველა მონაწილე (მონაწილეები დასაჩუქრდებიან ფულადი პრემიით, სიგელით და სიმბოლური საჩუქრებით).
მომავალში პროექტი პაატა მახარაძის „ბართოლომეოს“ სახელობის ლიტერატურული კონკურსი მასშტაბურ ხასიათს მიიღებს.
შეგახსენებთ, რომ პოეტი პაატა მახარაძე 2021 წლის 6 სექტემბერს ავტოავარიის შედეგად გარდაიცვალა.
2022 წელს ბართოლომეოს ლექსები ორ წიგნად გამოიცა _“გარიგება სიკვდილთან“ და „ხილვა“.
13 თებერვალს პაატა 52 წლის გახდებოდა.
