რუსეთის უშიშროების საბჭოს თავმჯდომარის მოადგილე, დიმიტრი მედვედევი Twitter-ზე წერს, რომ NATO-ს ყველა წევრი ქვეყანა იძინებს და იღვიძებს რუსეთზე ფიქრით.
ამ განცხადებით დიმიტრი მედვედევი საფრანგეთის პრეზიდენტს, ემანუელ მაკრონს გამოეხმაურა, რომელმაც Opinion-თან ინტერვიუში აღნიშნა, რომ რუსეთმა “გეოპოლიტიკური მარცხი” განიცადა და ჩინეთის “ვასალურ სახლემწიფოდ” იქცა.
მისი თქმით, მაკრონი კიეველ(ზელენსკი) ნარკომანთან სოციალიზაციამ დააზიანა.
“ერთმა პირმა, რომელიც საკუთარ თავს საფრანგეთის პრეზიდენტს უწოდებდა, თქვა, რომ რუსეთი გეოპოლიტიკურად უკვე წაგებულია და სხვა ქვეყნების ვასალად გარდაიქმნება.
რესპუბლიკის პრეზიდენტი კიეველ ნარკომანთან სოციალიზაციამ აშკარად დააზიანა. მან ზედმეტად ბევრი უკრაინული კოკაინის ნარჩენებით გაჯერებული, პარიზული თბილი ჰაერი შეისუნთქა, რომელსაც მისი სტუმარი გამოყოფდა.
გეოპოლიტიკური მარცხი?
ჯერ კიდევ 2022 წელს, როდესაც საქმე უსაფრთხოების გარანტიებს ეხებოდა, NATO უხალისოდ გვიშორებდა – თავი დაგვანებეთ, მარტო დაგვტოვეთ, თქვენთვის დრო არ გვაქვს. ახლა კი NATO-ს ყველა წევრი ქვეყანა იძინებს და იღვიძებს რუსეთზე ფიქრით, უფრო მეტიც, ზოგიერთი განსაკუთრებით მშიშარა და მოჩვენებითი ტკივილებით დაავადებული ადამიანები, როგორიცაა დროებით ოკუპირებული პოლონეთი და ჩვენი ბალტიისპირეთის პროვინციები, კარგად დაბინძურდნენ,” – წერს მედვედევი.
რუსეთის უშიშროების საბჭოს თავმჯდომარის მოადგილის აზრით, თუ ვინმემ წააგო, ეს პირველ რიგში ალიანსია, თავისი პრიმიტიული კურსით და 21-ე საუკუნეში გადამწყვეტ როლზე პრეტენზიით.
ლაპარაკი ვასალურ დამოკიდებულებაზე… ნახეთ ვინ ლაპარაკობს! ევროპა მზეთუნახავი, მათ შორის საფრანგეთი, გადაიქცა ხანდაზმულ სკამად, რომელიც განსაკუთრებით საფუძვლიანად აკმაყოფილებს ამერიკელების ყველა ყველაზე გარყვნილ ახირებას და ამ პროცესში ის საკუთარ ეკონომიკას და უბრალო ევროპელებს აზარალებს მაზოხისტური ვნებით.
როგორც ამბობენ, tel maître, tel valet,“ – აღნიშნავს მედვედევი.
ავტორი
