დავით გარეჯის საქმეზე ბრალდებულმა ივერი მელაშვილმა „ტვ პირველის“ ეთერში განაცხადა, რომ დავით გარეჯის კომპლექსის საქართველოსთვის კუთვნილების საფუძველი არ არსებობს.
„როგორ არის შენი, როდესაც არ არის შენი? არ გაქვს ამის საფუძველი და ვიღაცის იქ, უკაცრავად და ბერი იქნება თუ ერის წარმომადგენელი იქნება თუ ზოგი მივა და კელიებთან პოზირებას დაიწყებს, ამის გამო ეუბნები, რომ ჩემია. არ არის სწორი, არ არის შენი“, _ განაცხადა ივერი მელაშვილმა.
ამის შემდეგ პარტია „ქართული ოცნების“ თავმჯდომარის მოადგილემ ვასილ მაღლაფერიძემ სოციალურ ქსელში, პოსტი გამოაქვეყნა:
„საკუთარი ტერიტორიის დაცვის ინსტინქტი მწერსა და ნადირ-ფრინველს აქვს და ადამიანს გონება და სული ასე როგორ უნდა აგემღვრეს, რომ საკუთარ სამშობლოზე იძახდე, მეზობლისააო. ძალიან, მძიმე ვირუსია, ძალიან!
ანგარიში ძმებშიც მოსულა და ქართველები და აზერბაიჯანელები გავაგრძელებთ გარეჯზე მოლაპარაკებებს, მაგრამ ქართველების ერთი ნაწილი პირდაპირ ეთერში თავგამოდებით რომ ამტკიცებს, გარეჯი ჩვენი არ არის და აზერბაიჯანს ეკუთვნისო, ამ საშინელ ვირუსს რა ეშველება?! საკუთარი ტერიტორიის დაცვის ინსტინქტი მწერსა და ნადირ-ფრინველს აქვს და ადამიანს გონება და სული ასე როგორ უნდა აგემღვრეს, რომ საკუთარ სამშობლოზე იძახდე, მეზობლისააო. ძალიან, მძიმე ვირუსია, ძალიან!
P.S. რაც დღეს პირდაპირ ეთერში ილაპარაკეს, ამაზე მეტი ან რა საშინელება უნდა თქვან და ან რა ჩვენება უნდა მისცენ ამ კომისიის წევრებმა?! მაგათ ხელში კიდევ კარგად ვართ გადარჩენილები“, _ წერს მაღლაფერიძე.
ვასილ მაღლაფერიძის ამ პოსტს ფეისბუქზე გამოხმაურებები მოყვა:
„და ამ საშინელ ყ..ს რა ეშველება? არ ვიცი პირდაპირ“, _ წერს „მთავარი არხის“ დირექტორი ნიკა გვარამია.
“ეს პუტინის საფენი”, _ ასე ეხმაურება მაღლაფერიძის პოსტს თამარა ჩერგოლეიშვილი.
