,,რატომ უნდა დავუჯერო მე რატი ბრეგაძეს საერთოდ რაიმე? როცა ასე მალულად იპარავენ პატიმარს ციხიდან, რომც მიეყენებინა თავდაცვის მიზნით რაიმე სახის შეურაცხყოფა, ვინმეს უნდა გაუკვირდეს? – ასე გამოეხმაურა „ნაციონალური მოძრაობის“ თავმჯდომარე ნიკა მელია იუსტიციის მინისტრის, რატი ბრეგაძის განცხადებას, რომლის მიხედვითაც მიხეილ სააკაშვილმა #18 სამკურნალო დაწესებულებაში ციხის თანამშრომლებს სიტყვიერი და ფიზიკური შეურაცხყოფა მიაყენა. „რატომ უნდა დავუჯერო მე რატი ბრეგაძეს საერთოდ რაიმე? მითუმეტეს, ის, როცა ამბობს, რომ 40 დღის ნაშიმშილებმა ადამიანმა ციხის ზედამხედველს შეურაცხყოფა მიაყენა? როცა ასე მალულად იპარავენ პატიმარს ციხიდან, რომც მიეყენებინა თავდაცვის მიზნით რაიმე სახის შეურაცხყოფა, ვინმეს უნდა გაუკვირდეს? მოიტაცეს ადამიანი, ეს ნორმალური ქმედება ჩაიდინა? ასიათასობით ადამიანი ღელავს და საზოგადოება იმის ღირსი არ იყო, რომ წინასწარ განცხადება გაეკეთებინა შესაბამის უწყებას? უმრავლესობის ნებაა ცვლილებები. ვერ გატეხს მიხეილ სააკაშვილს, ვერც აქ მყოფ ადამიანს ვერავინ. ჩვენ ვიბრძვით ერთი მიზნისთვის – ქვეყანას ჰქონდეს მომავალი“ – განაცხადა ნიკა მელიამ.
