ერთიანი ნაციონალური მოძრაობის მოქმედი თავმჯდომარე და თავმჯდომარეობის კანდიდატი, ნიკა მელია ამბობს, რომ მასა და ვანო მერაბიშვილს შორის დაპირისპირება ჯერ კიდევ 2020 წლის საარჩევნო კამპანიისას დაიწყო, როდესაც მელიას თქმით, მერაბიშვილი მისი საარჩევნო შტაბის დანგრევას ცდილობდა.
განცხადება მელიამ ამის შესახებ “შაბათის მთავარის” პირდაპირ ეთერში, ზუგდიდიდან ჩართვისას გააკეთა:
“ჩემთვის აბსოლუტურად მოულოდნელად ძალიან მალე, არჩევნებზე გლდანში, იქ სადაც მილიონ ნახევრიანი ქალაქის ყველაზე დიდი რაიონში ოპოზიციას გვქონდა გამარჯვების უდიდესი შანსი, როცა ჩვენ გვიპირისპირდებოდა დიდძალი ფული, დიდძალი გავლენები, კახი კალაძე მისი მეგობარი კობიაშვილი.. ბიძინა ივანიშვილი მოიყვანეს გლდანში არჩევნებამდე ერთი დღით ადრე და ეს ნიშნავდა ძალიან მკვეთრი სიგნალის გაგზავნა ოცნების აქტივისტებისთვის და ხშირ შემთხვევაში მოკრიმინალო ელემენტებისთვის, რომ გაეკეთებინათ ის, რაც გააკეთეს არჩევნების დღეს და დაარბიეს შეიარაღებულმა არჩევნების დღეს უბნებიდან კომისიის წევრებსა და წარმომადგენლებს იტაცებდნენ.
სულ რაღაც 2 თვით ადრე ჩემთვის ცნობილი გახდა ძალიან სამწუხარო ფაქტი, რომ თურმე და არა მხოლოდ ჩემთვის უამრავი შტაბის წევრისთვის, რომ ამ შტაბის ფარული მოწინააღმდეგე ყველაფერთან და ყველასთან ერთად ყოფილა ვანო მერაბიშვილი, რომელიც ადამიანებთან ურთიერთობის დამყარებით მალულად, ერთიანი ნაციონალური მოძრაობის შტაბის, ამ შემთხვევაში ჩემი, როგორც მაჟორიტარის შტაბის დანგრევას ცდილობდა, ეს ჩემთვის იყო, რა თქმა უნდა, შოკისმომგვრელი ინფორმაცია….” – ამბობს ნიკა მელია
მისივე თქმით, მაშინ აღნიშნულთან დაკავშირებით არ უსაუბრია, რადგან წინასაარჩევნო კამპანია იყო საერთო ოპოზიციურ ინტერესს გაუფრთხილდა და ყველაფერზე საუბარს არჩევნების დასრულების შემდეგ პარტიის შიგნით გეგმავდა.
“მაშინ ამასთან დაკავშირებით მე არ ვისაუბრე, რადგან იყო წინასაარჩევნო კამპანია და გავუფრთხილდი საერთო ოპოზიციურ ინტერესს და არა მხოლოდ საერთო ინტერესს, საზოგადოების ინტერესს, ვისაც ცვლილება სურს ამ ქვეყანაში და ამ ყველაფერზე ვაპირებდი საუბარს არჩევნების დასრულების შემდეგ…
ეს იცის ყველა ვანო მერაბიშვილის მეგობარმა, ვისთანაც მეგობრობდა.
ეს ადამიანი ორწელიწადნახევრის განმავლობაში ამ შეტევისთვის ემზადებოდა და პლუს მან შეიწყვილა კეზერაშვილი და ვხედავთ იმ პროცესს რაც ხდება” – ამბობს ნიკა მელია
ნიკა მელია ამბობს, რომ ის, რაც ახლა ენმ-ში ხდება ვანო მერაბიშვილისა და დავით კეზერაშვილის ავტორობითაა. მისივე თქმით, 9 ნოემბერს, როდესაც პირველად გაჟღერდა პარტიაში თავმჯდომარის რიგგარეშე არჩევნების ჩატარების მოთხოვნა, თავიდან ბოლომდე, მერაბიშვილისა და კეზერაშვილის წამოწყებული იერიში იყო.
წყარო: მთავარი არხი
