ცოტაც ხნის წინ, ფრანგული „მეცის“ პრეზიდენტმა ბერნარ სერინმა განაცხადა, რომ მზადაა გიორგი მიქაუტაძის იჯარით დასაბრუნებლად, მაგრამ ეს უპირველეს ყოვლისა „აიაქსის“ გადასაწყვეტია.
„გიორგი მიქაუტაძე „აიაქსში“ მოწყენილია. მოვუსმენთ და გავიგებთ რისი გაკეთება სურს მასთან დაკავშირებით „აიაქსს“. თუ მის განათხოვრებას აპირებენ, ჩვენთვის ეს მისასალმებელი იქნება, მაგრამ ჯერ ეს შორს არის განხორციელებისგან“, – განაცხადა ბერნარ სერინმა.
მიქაუტაძეს „აიაქსში“ მიმდინარე სეზონში სამი მწვრთნელი არ ენდობა, რაც უფრო სერიოზულ პრობლემას აჩენს, ვიდრე უბრალოდ მწვრთნელის. ახალმა მწვრთნელმა ჯონ ვან ტ’სხიპმა ქართველი არცერთხელ გამოიყენა და ორივე მატჩში თადარიგში დატოვა.
იტალიელმა ჟურნალისტმა იტალო კუჩიმ კი „Radio Marte“-ს ეთერში “ნაპოლისა” და ხვიჩა კვარაცხელიას შესახებ ისაუბრა.
“სამწუხაროდ, კვარაცხელია ძველებურად ვეღარ ბრწყინავს,. ეს სიმართლეა, თუმცა ყველაფერს ორი მხარე აქვს. მიხვდა, რომ ჩემპიონია, შარშან ის ამისთვის იბრძოდა, დღეს კი გამორჩეული ფეხბურთელია. იმის გაგება, თუ რა სჭირს კვარაცხელიას, სრულიად არ არის რთული. მთლიანად გუნდს სჭირდება გარსიას სტილთან ადაპტაცია”, – განაცხადა კუჩიმ.
„პარმას“ ყოფილმა სპორტულმა დირექტორმა, ენრიკო ფედელემ, რომელიც „ნაპოლის“ გულშემატკივარია, „სალერნიტანასთან“ მატჩი შეაფასა.
“სალერნიტანასთან“ მხოლოდ შედეგი იყო კარგი. პირველ ტაიმში, თუნდაც ოცი წუთით, „ნაპოლიმ“ შარშანდელ დონეზე ითამაშა, მაგრამ მთლიანობაში რუდი გარსიას გუნდი მაინც ვერ მარწმუნებს, მეორე ტაიმში იმედი გამიცრუეს, ელმასს გოლი რომ ვერ გაეტანა, შეიძლებოდა „ნაპოლის“ ეს თამაში ვერ მოეგო. ამის ფონზე, ჩემთვის გაუგებარია, კვარაცხელიას შეცვლა ძალიან მარტივი მიზეზის გამო: მაცოკის, რომელიც კვარას მეურვეობდა, ყვითელი ბარათი ჰქონდა და ქართველის შეჩერებას ვერ ახერხებდა. რატომ შეცვალეს? მესმის საუბარი, რომ მწვრთნელმა შეცვლა გამოიცნო, რადგან ელმასმა გოლი გაიტანა, მაგრამ კარგი, რა! მაკედონიელს მოედანზე შესვლა სხვის ნაცვლად შეეძლო, თუმცა არა ქართველის ადგილას!”
ფედელემ“ ნაპოლის“ სეზონზეც გააკეთა კომენტარი:
„ნებისმიერ შემთხვევაში „ნაპოლის“ სეზონი 25 ნოემბერს იწყება, როდესაც მოკლე პერიოდში „ატალანტას“, „ინტერს“ და „იუვენტუსს“ შეხვდება. ამ შემთხვევაში გავიგებთ რეალურ ამბიციას. ამ მომენტისთვის „ნაპოლიმ“ მხოლოდ სუსტ გუნდებთან გაიმარჯვა. ამიტომაც, გთხოვთ, „ნაპოლიმ“ „უნიონი“ და „ემპოლი“ რომც დაამარცხოს, წმინდანებად ნუ გამოვაცხადებთ, დაველოდოთ კალენდარს. ჩვენი სეზონი 25 ნოემბერს იწყება”.
„ნაპოლი“ დღეს ჩემპიონთა ლიგაში მორიგ შეხვედრას გამართავს, რომელშიც, 21:45-ზე “მარადონაზე” „უნიონ ბერლინს“ დაუპირისპირდება.
იტალიის მოქმედი ჩემპიონები წინა ტურში გერმანულ გუნდს სტუმრად შეხვდნენ და დაამარცხეს – 1:0.
„უნიონ ბერლინთან“ შეხვედრამდე გამოცემასთან „Gazzetta dello Sport“ გერმანული კლუბის ცენტრალურმა მცველმა, დიოგო ლეიტემ ილაპარაკა.
„ნაპოლი“ შესანიშნავი გუნდია, რომელსაც ნიჭიერი ფეხბურთელები ჰყავს. ისინი კარგად თამაშობენ და ბურთსაც აკონტროლებენ: კონცენტრირებულები უნდა ვიყოთ, რომ შევძლოთ მათი შეჩერება და შანსებიც შევიქმნათ. ოსიმენი მსოფლიოში ერთ-ერთი საუკეთესო ფორვარდია, მაგრამ ბევრი ისეთი მოთამაშეა, ვისაც მისი შეცვლა შეუძლია.
ხვიჩა კვარაცხელია ერთი ერთზე და დრიბლინგის დროს ძალიან ძლიერია. არაპროგნოზირებადია და თამაშის შეცვლა ერთი მომენტით შეუძლია. მაღალი დონის მოთამაშეა. მის წინააღმდეგ კარგად უნდა ვითამაშოთ და შანსები არ უნდა მივცეთ, გამარჯვების მოსაპოვებლად გუნდურად ძალიან კარგები უნდა ვიყოთ – სოლიდურები დაცვაში და გაბედულები შეტევაში“.
ავტორი
