“მიხეილ სააკაშვილი ფაფებს, ნატურალურ წვენებს ახლაც ღებულობს, რასაც ვამბობთ, ამას ამყარებს მტკიცებულებები”, _ თქვა იუსტიციის მინისტრმა, რატი ბრეგაძემ „რუსთავი 2“-ის ეთერში განაცხადა.
„ეს ხალხი უნდა შეეშვას ცრუ ინფორმაციის გავრცელებას. მიხეილ სააკაშვილის ჯანმრთელობის მდგომარეობაზე უნდა ისაუბრონ ექიმებმა და არა ადვოკატებმა. გუშინაც გავრცელდა ცრუ ინფორმაცია, თითქოს მიხეილს სააკაშვილს დაავიწყდა ელენე ხოშტარიას სახელი, დღეს მიხეილ სააკაშვილმა განაცხადა, რომ მას ძალიან კარგად ახსოვდა ხოშტარიას სახელი. ამით სპეკულირება არ შეიძლება. ექიმებთან გადამოწმებული ინფორმაციის საფუძველზე შემიძლია, გითხრათ, მიხეილ სააკაშვილის ჯანმრთელობის მდგომარეობა არის სტაბილური და ყველა სასიცოცხლო მაჩვენებელი არის ნორმაში“, _ თქვა ბრეგაძემ.
„რაც შეეხება ინფორმაციას, რომელიც შეეხება რაიმე სახის ინფორმაციას ოპერაციაზე, ეს არის მისი პერსონალური ინფორმაცია და ამის შესახებ ვერ ვისაუბრებ.
რაც შეეხება სხვა საკვებ დანამატებს, აქვე უნდა გითხრათ, რომ ჩვენ მოგვმართა საქართველოს პარლამენტის წევრმა სადეპუტატო კითხვით, რომელზეც ჩვენ ვალდებული ვიყავით, გაგვეცა პასუხი. აქ იყო რამდენიმე შეკითხვა და ერთი შეკითხვა ეხებოდა საკვებ პროდუქტებსაც. ადრე საუბარი იყო იმაზეც, მიხეილ სააკაშვილმა შეიძინა თუ არა და ასევე, ბუნებრივია, გრძელდება თუ არა ამ პროდუქტების მიღება.
პასუხი იყო შემდეგი და პირველად ვამბობ ამას ეთერში, რადგანაც ამის შესახებ ჩვენ პარლამენტს უკვე ვუპასუხეთ, ეს ისედაც საჯარო გახდება. დიახ, თავიდან, შემოსვლისას, როდესაც მიიღო საბანკო ბარათი და ეს ძალიან სწრაფად მოხდა, სადღაც ორ დღეში შემოსახლებიდან, შეიძინა გარკვეული პროდუქტები; შემდგომში, როგორც იცით, მან განაცხადა უარი ამ საკვები პროდუქტების მიღებაზე, გავიდა გარკვეული პერიოდი და ის დათანხმდა, საკუთარი სურვილით მიიღო სხვადასხვა სახის ფაფები და ნატურალური წვენები და ღებულობს ახლაც. ასევე, ის აგრძელებს იმ მედიკამენტების მიღებას, რომელიც გამოუწერეს ექიმებმა“, – განაცხადა რატი ბრეგაძემ.
