“მიმიფურთხებია იმ ღმერთისთვის, რომელიც შვილმკვდარ მშობლებს ბოლო იმედის გარეშე ტოვებს”

პოლიტიკური გაერთიანება “გირჩის” ლიდერი ზურაბ ჯაფარიძე სოციალურ ქსელში ეხმაურება სამტრედიაში მომხდარ ფაქტს, რომლის მიხედვით ახალგაზრდა მამაკაცს, რომელიც “ბიბლიური თავისუფლების” წევრი იყო, გარდაცვალების შემდეგ მართლმადიდებელმა მღვდელმა წესი არ აუგო.

“დაკრძალეს ის ბიჭი წესის აგების გარეშე. მიმიფურთხებია იმ სასულიერო პირისთვის, რომელსაც არ ჰყოფნის გამბედაობა ზემდგომი ინკვიზიტორის წინააღმდეგ წავიდეს ქრისტეს სახელით. მიმიფურთხებია იმ რწმენისთვის, რომელიც გირჩის ოფისში ხელმოწერილი ფურცლით იკარგება. მიმიფურთხებია იმ ღმერთისთვის, რომელიც შვილმკვდარ მშობლებს ბოლო იმედის გარეშე ტოვებს ამ ქვეყნად. რომელი ჯოჯოხეთის გეშინიათ? ჯოჯოხეთში ხართ და ცხოვრობთ უკვე დიდი ხანია”,-წერს ზურაბ ჯაფარიძე ფეისბუქში.

შეგახსენებთ, რომ ავარიაში დაღუპული 24 წლის შაკო ბარამიძე დღეს მართლმადიდებლური წესის აგების გარეშე დაკრძალეს.