“მინდა რომ გაიმარჯვო” _ რვა წლის ტასოს წერილი უკრაინის პრეზიდენტს

რვა წლის ტასომ, უკრაინის პრეზიდენტს, ვოლოდიმირ ზელენსკის, წერილი მისწერა, სადაც წერია, რომ ის მისი გულშემატკივარია და ძალიან უყვარს.

“გამარჯობა ზელენცკი, მე შენი გულშემატკივარი ვარ და ძალიან მიყვარხარ. მინდა რომ გაიმარჯვო და რაც არ უნდა მოხდეს მაინც მიყვარხარ და მეყვარები. ვიცი, რომ ქართული არ გესმის, მაგრამ მაინც მაქვს იმედი, რომ ამ მონაწერს წაიკითხავ”, – წერია პატარა ტასოს წერილში, რომელსაც სოციალურ ქსელში ფეისბუქმომხმარებელი ლელუკა ჭკადუა ავრცელებს.

შეგახსენებთ, რომ უკრაინასა და რუსეთს შორის ომი 24 თებერვალს დაიწყო და დღემდე მიმდინარეობს.