ექსპერტების რეკომენდაციებს, სახელმწიფო უწყებების ხელმძღვანელების, მოადგილეების შემცირებასთან და საბიუჯეტო ხარჯების დაზოგვასთან დაკავშირებით, თავდაცვის მინისტრი ლევან იზორიამ, ევეტერანთა საქმეთა სახელმწიფო სამსახურის შენობის გახსნაზე, ჟურნალისტებთან საუბრისას გამოეხმაურა.
მისი განმარტებით, ევროპის ცაკლეულ ქვეყანაში, ოფიციალურად პოლიტიკური თანამდებობის პირს მოადგილე, შეიძლება უფრო მცირე ჰყავდეს ვიდრე ჩვენთან, თუმცა, ფუნქციონალურად, იმას, რასაც დღეს საქართველოში, როგორც პოლიტიკური თანამდებობის პირი, მოადგილე ასრულებს, იქ, სხვა მის დაქვემდებარებაში მყოფი საჯარო მოხელეები ასრულებენ.
,,საჯარო სამსახურის შესახებ ახალი კანონი სწორედ ადგილობრივ და ევროპელ ექსპერტებთან მჭიდრო თანამშრომლბით იქნა შემუშავებული. ექსპერტები პარალელებს ავლებენ სხვა ქვეყნებთან, მხოლოდ ციფრებთან დაკავშირებით.მაგრამ სისტემა განსხვავებულია, ამ სისტემას ევროპაში, მე კარგად ვიცნობ. შესაბამისად, შეიძლება ოფიციალურად პოლიტიკური თანამდებობის პირის მოადგილის სახით ჰყავდეს უფრო მცირე, ევროპის ცალკეულ ქვეყანაში მინისტრს, თუმცა ფუნქციონალურად, იმას, რასაც დღეს საქართველოში, როგორც პოლიტიკური თანამდებობის პირი, მოადგილე ასრულებს, ევროპის ქვეყნებში სხვა, მისი დაქვემდებარებაში მყოფი საჯარო მოხელეები ასრულებენ. შესაბამისად, მათი რაოდენობა იქ დიდია, რომლებიც კურაციას უწევენ სხვადასხვა დეპარტამენტებს,ანუ იგივე ფუნქციას ასრულებენ როგორც მოადგილეები.ჩვენთან მინისტრის მოადგილეებს, მათგან განსხვავებით აქვთ დამატებით პოლიტიკური თანამდებობის ფუნქციაც. მაგრამ, ეს არ აისახება ბიუჯეტში, იმიტომ რომ, ფუნქციას, იქაც, კურაციის თვალსაზრისით, ასრულებს საჯარო მოხელე, რომელიც მის მოადგილედ ითვლება და რომელიც ამისთვის იღებს ხელფასს. ასე რომ, სისტემებია განსხვავებული და ეს სისტემაც, რომელიც ჩვენთან ინერგება და ჩვენთან არსებობს, არის სწორედ ევროპელ ექსპერტებთან ერთად შემუშავებული“, _ განაცხადა უწყების ხელმძღვანელმა.
მისივე განმარტებით, როდესაც მინისტრი ამ უფლებამოსილება ამოეწურება, ავტომატურ რეჟიმში, მოადგილეებიც ამოწურავენ თავიანთ უფლებამოსილებას, ევროპაში კი ასე არ არის, რადგან სისტემა პოლიტიკაზე მიბმული არ არის.
,,მე მყავს ოთხი მოადგილე, ყველა მოადგილე არის პოლიტიკური თანამდებობის პირი. ეს იმას ნიშნავს, რომ, როდესაც მინისტრი ასრულებს პოლიტიკური პასუხისმგებლობიდან გამომდინარე გარკვეულ ფუნქციებს, ისინიც იზიარებენ ამ პოლიტიკურ პასუხისმგებლობას და როდესაც მინისტრი ამ უფლებამოსილებას ამოწურავს, ისინიც ავტომატურ რეჟიმში, ამოწურავენ ამ უფლებამოსილებებს, ხოლო ევროპაში ეს არ არის პოლიტიკაზე მიბმული. ისინი, როგორც საჯარო სამსახურის წარმომადგენლები ასრულებენ თავიანთ საქმიანობას ცალკეული კურაციების მიხედვით. იქ არსებობს კურციების მიხედვით ფუნქციების გადანაწილება, უბრალოდ, ისინი უფრო სტაბილურად როგორც საჯარო სამსახურის მოხელეები აგრძელებენ საქმიანობას. მაგრამ პოლიტიკური თანამდებობის სახით, მათ ჰყავთ, რასაკვირველია, ერთი ან ორი მოადგილე“, _ აღნიშნა ლევან იზორიამ.
