“მიშა ძლიერად გაგვიცივდა, მაგრამ კვირისთვის, ყველანი ერთად მარშზე ვიქნებით”

საქართველოს ყოფილი პირველი ლედი სანდრა რულოვსი ფეისბუქის საკუთარ გვერდზე პოსტს აქვეყნებს. იგი მადლობას უხდის გულშემატკივრებს და იმედს გამოთქვამს, რომ 10 დეკემბრისთვის მიხეილ სააკაშვილი უკვე გამოჯანმრთელებული იქნება. 

“დიდი მადლობა ყველას მხარდაჭერისთვის. მართალია, მიშა წინა დღეებში ძლიერად გაგვიცივდა, მაგრამ კვირისთვის, 10 დეკემბერს, 12 საათზე, ყველანი ერთად მარშზე ვიქნებით ჩვეულ ფორმაში, შევჩენკოს პარკიდან მაიდანამდე,” – აღნიშნავს რულოვსი. 

ინფორმაცია, რომ მიხეილ სააკაშვილი ავად გახდა, უკრაინულმა მედიამ გუშინ გაავრცელა, მოგვიანებით კი მისმა ადვოკატმაც დაადასტურა.