საქართველოს საგარეო საქმეთა მინისტრის მიხიელ ჯანელიძე ქართველ ფეხბურთელებს და ფეხბურთის ფედერაციას სოლიდარობას უცხადებს:
“მსურს სრული სოლიდარობა გამოვუცხადო ქართველ ფეხბურთელებს და ფეხბურთის ფედერაციას.
ყოვლად მიუღებელია, რომ ადამიანები, რომელთაც სახელი გაუთქვეს ჩვენს ქვეყანას და საქართველოს პოზიტიურ იმიჯს ამკვიდრებენ მსოფლიოში საკუთარი დაუღალავი შრომით, გახდნენ მსხვერპლი გაუგებარი ადამიანებისა და ჯგუფების შეტევის.
მნიშვნელოვანია ქართული საზოგადოების მტკიცე და ერთსულოვანი პასუხი.
ვერავინ ვნახე დღეს აქციაზე მისული ისეთი, ვისაც იმის მეათედი სიკეთე მაინც ჰქონდეს მოტანილი ქვეყნისთვის, რასაც მათ მიერ შეურაცხყოფილი ადამიანები აკეთებენ, ” _ წერს ჯანელიძე ფეისბუქის საკუთარ გვერდზე.
შეგახსენებთ, რომ გუშინ, საქართველოს ფეხბურთის ფედერაციასთან “ქართული მარშის” წევრებმა აქცია გამართეს და გურამ კაშიას ნაკრებიდან დათხოვნას ითხოვდნენ, რადგან ფეხბურთელმა, თამაშის დროს, ლგბტ სამკლაური გაიკეთა.
