მუსიკით მკურნალობის მნიშვნელოვან როლზე ჯერ კიდევ ავიცენა წერდა.
მუსიკის სამკურნალო ეფექტს ექიმები სხვადასხვაგვარად ხსნიან. ერთი ნაწილი მას ადამიანის ფსიქოლოგიას უკავშირებს, მეორე – ორგანიზმზე გარკვეული სიხშირის ბგერითი ტალღების ვიბრაციულ ზემოქმედებაზე საუბრობს.
ერთი რამ ცხადია, არსებობს ობიექტური მონაცემები, რომლებიც ამტკიცებენ, რომ ჰარმონიული ბგერები ცენტრალურ ნერვულ სისტემას ტონუსს აძლევენ, კუნთების დაძაბულობას ხსნიან, ნივთიერებათა ცვლას აუმჯობესებენ, ტკივილს აყუჩებენ, წნევას დაბლა სწევენ, სუნთქვასა და სისხლის მიმოქცევას ასტიმულირებენ.
მიჩნეულია, რომ ორგანიზმის გასაჯანსაღებლად იდეალურია კლასიკური ნაწარმოებები, რელიგიური თხზულებანი და ხალხური სიმღერები.
იდეალური მკურნალია მოცარტის, როსინისა და ჰაიდნის ნაწარმოებები. ბეთჰოვენი მძიმე ცხოვრებისეულ სიტუაციებში ეხმარება, ხოლო ვივალდის, ბახის, ჰენდელის მუსიკა კარგი ფონია მუშაობისა და სწავლისათვის.
ნაწარმოებები ვიოლინოს შესრულებით ყურადღების კონცენტრაციას, მეხსიერებასა და სივრცით აღქმას აუმჯობესებს.
მუსიკით ხასიათის უარყოფითი თვისებების გამოსწორებაც შეიძლება. მაგალითად, შურის გრძნობის დათრგუნვას ჰაიდნის “სიმფონია” და ბახის “იტალიური კონცერტი” ეხმარება. ფონური წყნარი მუსიკა სტომატოლოგთან და მშობიარობის დროს მოდუნებასა და ტკივილის მოხსნას შველის.
ავტორი
