სამტრედიის მუნიციპალიტეტის სოფელ ნინუაკუთხეში მცხოვრებმა 24 წლის ანა კანდელაკმა სიცოცხლე, სავარაუდოდ, თვითმკვლელობით დაასრულა.
ოჯახის ახლობლები ჰყვებიან, რომ გოგონა კვირა დილით სახლიდან გავიდა და დაიბარა, ეკლესიაში მივდივარო. რომ დაიგვიანა, მოიძებნეს, მივიდნენ დაბა კულაშის წმინდა ნაზარი ლეჟავას სახელობის ტაძარში, სადაც ანა კანდელაკი არ აღმოჩნდა. რამდენიმე ჯგუფი ყველა კუთხეში ეძებდა დაკარგულ გოგონას. ტაძრის მოპირდაპირე მხარეს არსებული სასაფლაოს ეზოში, სადაც შუასაუკუნეების ჯვარცმის ეკლესია დგას, მის უკან მდებარე ვინმე ბზიკაძის საფლავის სიახლოვეს, სრულიად შემთხვევით, ქალბატონმა შეამჩნია გოგონას უსიცოცხლო სხეული. ახლოს მისულმა ნახა, რომ ახალგაზრდას თავი თავსაფრით გაეგუდა.
გოგონას გარდაცვალებასთან დაკავშირებით შსს-ს კომენტარს “გურია ნიუსი” მალე შემოგთავაზებთ.
ავტორი
