პოლიტიკური ჯგუფის „საქართველოსთვის” წევრმა შალვა კერესელიძემ საშემოდგომო სესიის პლენარულ სხდომაზე სიტყვით გამოსვლისას მოუწოდა სახელმწიფოს განსაკუთრებული ყურადღება გამოიჩინოს მეთხილე ფერმერების მიმართ.
„გაითვალისწინეთ სამეგრელოს, გურიის, იმერეთის და აჭარის მხარეების მეთხილე ფერმერების რთული სოციალური მდგომარეობა და მოახდინეთ მიღებული ზარალის ანაზღაურება ან სუბსიდირება, როგორც ეს დასეტყვილი ყურძნის ან კიდევ არასტანდარტული ციტრუსის და ვაშლის შემთხვევაში ხდება“, – განაცხადა შალვა კერესელიძემ.
