ლანჩხუთის მუნიციპალიტეტის სოფელ მამათის მკვიდრი რუსუდან მეგრელიშვილი ინიციატივით გამოდის, რომ აღნიშნულ სოფელს მაღალმთიანი ზონის სტატუსი მიენიჭოს. მისი თქმით, მამათი, რომელიც ზღვის დონიდან 300 მეტრის სიმაღლდეზე მდებარეობს, ყველა ბუნებრივი პირობით აკმაყოფილებს სტატუსის მისაღებად საჭირო კრიტერიუმს.
“წაიკითხოს ყველამ, მაგრამ დაფიქრდნენ და მიპასუხონ კომპეტენტურმა პირებმა.
ეკუთვნის თუ არა ლანჩხუთის მუნიციპალიტეტის პატარა ლამაზ სოფელს მაღალი მთის სტატუსი. თურმე არა.. ზღვის დონიდან ისაზღვრება სტატუსი, მაგრამ ბუნებრივი პირობებით ყველაფერი აკმაყოფილებს პირობებს და ხომ არ შეიძლება დავფიქრდეთ და დავაკვირდეთ, დღეს, აბა, მითხარით, სად არის დიდი თოვლი, გარდა მაღალი მთებისა, მამათში; სად ვერ დაიწყებ საზაფხულო სამუშაოებს, მამათში, ჰოდა რაღაცას შევეშვათ, კანონებს ადამიანები წერს და მივაკუთვნოთ მამათს მაღალი მთის სტატუსი, ჩემო მამათელებო არასწორს რაიმეს ხომ არ ვწერ, დამეთანხმეთ. არ მინდა სოფელი დაიცალოს, არ მინდა ეკალ-ბარდმა დაფაროს არემარე, არ მინდა სახლებიდან ფუტი არ ამოდიოდეს და პატარა გოგო-ბიჭები არ დატანტალებდნენ. მოდით , ნახეთ, შეამოწმეთ, გადაწყვიტეთ. უფალი კეთილი საქმისთვის არ დაგსჯით”, _ ასე აფიქსირებს საკუთარ პოზიციას სოფელ მამათის მკვიდრი.
კანონის შესაბამისად, მაღალმთიან დასახლებად ითვლება დასახლება, რომელიც ზღვის დონიდან 1500 მეტრის სიმაღლეზე ან მის ზევით მდებარეობს. საქართველოს მთავრობა უფლებამოსილია, სხვადასხვა კრიტერიუმის (მთის ფერდობის დახრილობა, ინფრადტრუქტურის მდგომარეობა, კლიმატური პირობები და ბუნებრივი გარემო, სასოფლო-სამეურნეო დანიშნულების მიწის სიმცირე და სიმწირე, დემოგრაფიული მდგომარეობა, მათ შორის, გამწვავებული მაგრამ გრაციული პროცესები) გათვალუსწინებით, მაღალმთიანი დასახლების სტატუსი მიენიჭოს დასახლებას, რომელიც ზღვის დონიდან არანაკლებ 800 მეტრის სიმაღლეზე მდებარეობს. გამონაკლის შემთხვევაში, ამ პუნქტიღ განსაზღვრული კრიტერიუმების გათვალისწინებით, მაღალმთიანი დასახლების სტატუსი შეიძლება ზღვის დონიდან 800 მეტრის ქვევით მდებარე დასახლებადაც მიენიჭოს.
დასახლებას მაღალმთიანი დასახლების სტატუსი ენიჭება მაღალმთიან დასახლებათა ნუსხაში შეტანის ფორმით, რომელსაც საქართველოს მთავრობა ამტკიცებს.
