ჩოხატაურის “ყოვლადწმინდა ღვთისმშობლის სახელობის სამრევლო” სკოლას 15 წელი შეუსრულდა. აღნიშნულ თარიღთან დაკავშირებით ჩოხატაურის მუნიციპალიტეტის ხელოვნების სასახლეში შემოქმედებითი საღამო- დაჯილდოება ჩატარდა, სადაც სამრევლო სკოლის სამრევლო სკოლის მოსწავლეებმა წაიკითხეს ქალბატონი ბელა ქებურიას ლექსები.
სამრევლო სკოლის კოორდინატორმა და საღამოს ორგანიზატორმა ნანა მგალობლიშვილმა ჩვენთან საუბრისას აღნიშნა, რომ ბელა ქებურია იყო სამრევლო სკოლის დიდი გულშემატკივარი, რის გამოც გადაწყდა სწორედ მისი შემოქმედებითი საღამოს გამართვა სკოლის საიუბილეო თარიღზე.
– დღეს, სამრევლო სკოლა 15 წლის გახდა და აღვნიშნეთ ქალბატონი ბელას შემოქმედებითი საღამოთი რადგან, როდესაც ეს სკოლა დაარსდა პირველი სტუმარი და ჩვენი დიდი გულშემატკივარი იყო ქალბატონი ბელა ქებურია და ამიტომ გადავწყვიტე ეს საღამო დამეკავშირებინა მის შემოქმედებასთან და დღეს მისი შემოქმედებით მივულოცე ჩოხატაურის სამრევლო სკოლას, მოსწავლეებს და მშობლებს საიუბილეო წელი,_ გვითხრა მგალობლიშვილმა.
ღონისძიებაზე იმყოფებოდნენ: შემოქმედის ეპარქიის მიტროპოლიტი, მეუფე იოსები, ერკეთის დედათა მონასტრის დედები, მამები, მუნიციპალიტეტის, მერი დავით შარაშიძე, საკრებულოს თავმჯდომარე ირაკლი კუჭავა და ბელა ქობურიას ოჯახი.
ღონისძიებაზე სიტყვით გამოვიდა მერი დავით შარაშიძე. მან აღნიშნა, რომ ერთ-ერთი პირველია ვინც აღნიშნული სკოლა დაამთავრა.
“მეც ის პირველი კურსდამთავრებული ვარ, როცა ამ სკოლას სამრევლო სკოლა დაერქვა და მინდა გითხრათ, რომ ეს სკოლა არის ერთი დიდი ოჯახი, ერთ მუჭად შეკრული, საუკეთესო, პროფესიონალი ადამიანებით სავსე და მე ქედს ვიხრი მათ წინაშე. მე, რომ დღეს თქვენს წინ ამ სტატუსით ვდგავარ, ეს გარკვეულწილად მათი დამსახურებაცაა”,_ განაცხადა შარაშიძემ და მადლობა გადაუხადა სკოლის მასწავლებლებსა და მეუფე იოსებს გაწეული ღვაწლისთვის და აღნიშნა, რომ ჩოხატაურის მერია სამრევლო სკოლის წარმატებულ მოსწავლეებს პატარა სიურპრიზს გაუკეთებს.
ღონისძიებაზე გამოვლინდა სხვადასხვა ნომინაციებში გამარჯვებულებიც.
ნომინაცია – ” საუკეთესო გულშემატკივარი” ჯილდო გადაეცა _ იამზე ვაჩეიშვილს, ნომინაცია – ” იდეების წყარო” დაჯილდოვდა_ მაკა კილასონია, “სკოლის გულშემატკივარი” დაჯილდოვდა რამაზ უნგიაძე.
სცენაზე მოწვეული იყო, ჩოხატაურის საკრებულოს თავმჯდომარე, “მამა თომას” სახელობის ფონდის დამფუძნებელი_ ირაკლი კუჭავა, რომელიც ასევე სიტყვით წარსდგა მსმენელთა წინაშე.
“მე ბედნიერი ვარ, რომ ამ სცენაზე დღეს სუფევდა სიყვარული, სითბო, ურთიერთპატივისცემა და ყველაფერი ეს ისწავლება ზუსტად, ჩვენს მშვენიერ სასწავლებელში, რომელსაც დღეს 15 წელი შეუსრულდა. ფონდის დაარსების მიზანი იყო დახმარებოდა ნიჭიერ ახალგაზრდებს, მიუხედავად მწირი შემოწირულობებისა, ამას ჩვენ მაინც ვახერხებთ და დღესაც მინდა ერთ გამორჩეულ, სამრევლოელ ახალგაზრდას გადავცე ნომინაცია – ” წარმატებული მოსწავლე” სამრევლო სკოლის მე-12 კლასის მოსწავლეს სალომე ცინცაძეს ფულადი ჯილდო”,_ თქვა ირაკლი კუჭავამ.
“მამა თომას” სახელობის ფონდის პრემია მიენიჭა ლუკა მეგრელიშვილს და ლევან ტყეშელიაძეს, ასევე, ინგლისურ ენოვან დებატებში წარმატებით მონაწილეობისთვის დაჯილდოვდნენ: ლუკა ბარამიძე, ნიკოლოზ ათანასოვი, დავით გუდავაძე და ელენე ბაკურაძე.
სამრევლო სკოლის ოქროს მედალოსნები არიან: ელისაბედ მეფარიშვილი, ნინი გოცაძე, ქრისტინე ნინიძე, თამარ უნგიაძე, სალომე ცინცაძე, ლუკა მეგრელიშვილი, თამარ უშვერიძე. ხოლო, ვერცხლის მედალოსნები კი არიან: თათია დოლიძე, გოჩა ტყეშელიაძე და რატი მათითაიშვილი.
ავტორი
