მამაკაცისთვის სიყვარული – ცხოვრების ნაწილია. ქალისთვის სიყვარული – ცხოვრებაა.
მე ძალიან ადრე გავხდი დამოუკიდებელი და არც კი ვიცი როგორია – თხოვდე რაიმეს მამაკაცს. მე საკუთარი თავის იმედი მაქვს და ეს ჩემთვის მნიშვნელოვანია. იტალიურად – მანტენუტა, სიტყვასიტყვით ნიშნავს „ის, რომელიც ხელში უჭირავთ“. მე კი არ მინდა, რომ ვინმეს ხელში ვეჭირო.
სილამაზე ქალისთვის პრობლემად იქცევა მხოლოდ ორ შემთხვევაში: როცა ის არ არის და როცა არაფერი არ არის, სილამაზის გარდა.
სილამაზე – უდიდესი შანსია, ამისათვის მხოლოდ მადლობის თქმა შეიძლება. თანაც ის გაივლის, მხოლოდ ლოდინია საჭირო. როგორც ვიღაც ჭკვიანმა თქვა, მისი მოქმედებისთვის მხოლოდ სამი წუთია განკუთვნილი, მერე კი უნდა შეძლო შეაჩერებინო მზერა საკუთარ თავზე.
ქალს შეუძლია უყვარდეს ისე, თითქოს არასოდეს არ წავა შენგან. მაგრამ შეიძლება დადგეს ისეთი დღე, რომ ისე წავა, თითქოს არასოდეს არ ყვარებია.
ხალხმა შეიძლება აპატიოს ადამიანს ჭკუა, ნიჭიც კი, მაგრამ სილამაზე – არასოდეს.
სილამაზე ხდება ცოცხალი და საინტერესო, როცა დაფარულია სამოსით.
სიყვარული ცოცხლობს მხოლოდ მაშინ, როცა არსებობს პატივისცემა ერთმანეთის მიმართ და თავისუფლება. სურვილი, ფლობდე სხვა ადამიანს როგორც ნივთს – აბსურდია.
ჩვენ არავინ არ გვეკუთვნის: არც ჩვენი ქმრები, არც შვილები. ჩვენ შეგვიძლია მხოლოდ რაიმე გავუზიაროთ ადამიანებს, რომლებიც გვიყვარს.
ცხოვრებაში არაფრით არ მოვინდომებდი, რომ ისევ ოცი წლის ვიყო. ახლა ბევრად ბედნიერი ვარ, ვიდრე მაშინ. იმ ასაკში ხომ ჩვენ ჯერ მხოლოდ ვიწყებთ საკუთარი თავის შეცნობას, ვცდილობთ გავიგოთ, ვინ გვინდა ვიყოთ, განვიცდით საკუთარ თავში დაურწმუნებლობას. ახლა ზუსტად ვიცი, რა მჭირდება და რის გარეშე შევძლებ ცხოვრებას.
არ უნდა გძულდეს ადამიანები, რომლებსაც შურთ, იმიტომ რომ ისინი აღიარებენ, რომ შენ უკეთესი ხარ.
როცა ადამიანები შორდებიან, ეს ყოველთვის ტრაგედიაა. ამავდროულად, თუ ისინი ერთად დარჩებიან, ეს შეიძლება უფრო დიდი ტრაგედია იყოს.
მამაკაცები ძალაუფლების შენარჩუნებას ქალების ხარჯზე ცდილობენ. მათ ეშინიათ დამოუკიდებელი ლამაზმანების, ისინი მიილტვიან ახალგაზრდა მოუმწიფებელ გოგონებთან, რომელთა გვერდით მათ საკუთარი თავი უფრო ძლიერი ეჩვენებათ.
სიბერეში მირჩევნია თვალყური ვადევნო ჩემს შვილებს, ვიდრე ვუყურო საკუთარ ფილმებს.
როცა ძალიან ახალგაზრდა ვიყავი, მინდოდა ყველასთვის დამემტკიცებინა, რომ ჭკუაც მაქვს. ახლა ჩემთვის სულერთია.
