CNN- ის ინფორმაციით, ამერიკის შეერთებული შტატების ფედერალურმა მოსამართლემ მოქალაქეობის დაბადებით მოპოვების გაუქმების შესახებ დონალდ ტრამპის აღმასრულებელი ბრძანება დაბლოკა.
მაუწყებლის ინფორმაციით, მოსამართლე ჯონ კუგენურმა განმარტა, რომ მოქალაქეობის დაბადებით მოპოვების გაუქმება არაკონსტიტუციურია.
„სად იყვნენ ადვოკატები აღმასრულებელი ბრძანების ხელმოწერის გადაწყვეტილების მიღებისას?“_ აღნიშნა მოსამართლემ.
როგორც ცნობილია, ამერიკის შეერთებული შტატების პრეზიდენტი დონალდ ტრამპი მოსამართლის გადაწყვეტილების გასაჩივრებას გეგმავს.
