„იმ კრიტერიუმების მიხედვით, რომლებიც დღეს კანონშია გაწერილი, იუსტიციის უმაღლეს საბჭოს მოსამართლეთა ღირსეული კანდიდატურების წამოყენება არ შეეძლო?! კრიტერიუმებია მთავარი პრობლემა თუ იუსტიციის უმაღლესი საბჭო, რომელმაც სია წარმოადგინა?!“,_ აღნიშნა „გურია ნიუსთან“ „ქართული ოცნება – ძლიერი საქართველოსთვის“ თავმჯდომარემ ბიძინა გეგიძემ, რომელიც პარლამენტის თავმჯდომარის ირაკლი კობახიძის განცხადებას გამოეხმაურა იმის შესახებ, რომ საკანონმდებლო ორგანოს უვადოდ გასამწესებელი მოსამართლეების სია ახალი კრიტერიუმების შემუშავების შემდეგ წარედგინება.
„პარლამენტის თავმჯდომარეს მივმართე და სასამართლო სისტემაში პროცესების გაჯანსაღების ჩემეული სამი ხედვა შევთავაზე, თუმცა ამჟამად პარლამენტში სხვა პროცესებს ვხედავ. ლაპარაკია, რომ მოსამართლეთა შერჩევის მიზნით, ახალი კრიტერიუმები დაიწერება. იმ კრიტერიუმების მიხედვით, რომლებიც დღეს არის გაწერილი, იუსტიციის უმაღლეს საბჭოს მოსამართლეთა ღირსეული კანდიდატურების წამოყენება არ შეეძლო?! კრიტერიუმებია მთავარი პრობლემა თუ იუსტიციის უმაღლესი საბჭო, რომელმაც სია წარმოადგინა?!“_ აღნიშნა გეგიძემ.
