საქართველოს უზენაესი სასამართლოს მოსამართლის, პაატა სილაგაძის ოჯახის წლიური შემოსავალი 154 345 ლარი იყო, ამის შესახებ სილაგაძის ქონებრივ დეკლარაციაშია აღნიშნული, რომელიც საჯარო სამსახურის ბიუროს ვებ-გვერდზე გამოქვეყნდა.
ქონებრივი დეკლარაციის თანახმად, პაატა სილაგაძემ საქართველოს უზენაესი სასამართლოდან გასული წლის განმავლობაში შემოსავლის სახით, 113 445 ლარი მიიღო, ხოლო საქართველოს იუსტიციის უმაღლესი საბჭოდან წევრობისთვის 8400,00 ლარი აქვს მირებული. რაც შეეხება მის მეუღლეს, თეა გიორგაძეს, საქართველოს მთავარი პროკურატურის დეპარტამენტის უფროსი პროკურორის თანამდებობიდან გასული წლის განმავლობაში – 32500,00 ლარი აქვს მიღებული.
დეკლარაციის შევსების მომენტში პაატა სილაგაძეს თიბისი ბანკის სახელფასო ანგარიშზე 862 ლარი, ხოლო ამავე ბანკის ანაბარზე 5423,78 დოლარი ჰქონდა. თეა გიორგაძეს კი, “თი–ბი–სი ბანკი” სახელფასო ანგარიშზე 50 ლარი ერიცხებოდა.
ამავე დეკლარაციის მიხედვით, პაატა სილაგაძეს გასულ წელს სამომხმარებლო სესხების დასაფარად „რესპუბლიკა ბანკისთვის“ 5988,00 ლარი და 4949,00 დოლარი გადაუხდია; ხოლო თეა გიორგაძეს იპოთეკური სესხისთვის, რომლის ვადაც 2025 წელს იწურება 10800,00 ლარი აქვს გადახდილი.
რაც შეეხება ოჯახის უძრავ-მოძრავ ქონებას, დეკლარაციის თანახმად, პაატა სილაგაძესა და თეა გიორგაძეს 2015 წელს ორი ბინა შეუძენიათ.
კერძოდ, სილაგაძის საკუთრებაშია თბილისში, დოლიძის ქუჩაზე მდებარე 30,00 კვ.მ-ის ფართობის ბინა (გადახდილი აქვს 25000.00 დოლარი), ხოლო თეა გიორგაძეს ეკუთვნის თბილისში, წერეთლის გამზირზე მდებარე 65,00 კვ.მ-ის ფართობის ბინა, რომელშიც 47000.00 დოლარი გადაუხდია.
პაატა სილაგაძეს ეკუთვნის ასევე, 2011 წელს ნაყიდი საცხოვრებელი სახლი ქუთაისში, შანიძის აღმართზე, რომლის ფართობიც 110,00 კვ.მ-ია და ამავე მისამართზე არსებული 214,00 კვ.მ-ის ფართობის მიწის ნაკვეთი.
ასევე, 2014 წელს ნაყიდი მსუბუქი ავტომანქანა „ტოიოტა ლენდკრუიზერ პრადო“.
