ოზურგეთის რამდენიმე სკოლაში კოვიდინფიცირების შემთხვევები დაფიქსირდა.
„გურია ნიუსს“ ოზურგეთის რესურსცენტრის ხელმძღვანელმა ლელა იმედაშვილმა განუცხადა, რომ ინფიცირების შემთხვევები მეოთხე, მეორე, ნაგომრის, კონჭკათის, გურიანთას საჯარო სკოლებში დაფიქსირდა.
„დღეისთვის რამდენიმე საჯარო სკოლის კლასები გადაყვანილია ონლაინსწავლებაზე. მეოთხე საჯარო სკოლაში ოთხი კლასი, მეორე საჯარო სკოლაში ერთი კლასი, ნაგომრის საჯარო სკოლაში ერთი კლასი, კონჭკათის საჯარო სკოლაში ერთი კლასი, გურიანთის საჯარო სკოლაში ერთი კლასი. ამ სკოლებში ინფიცირებულია თითო მოსწავლე, მაგრამ რაკი კონტაქტი ჰქონდათ დანარჩენ მოსწავლეებთან, ამიტომ მიზანშეწონილად ჩაითვალა ამ კლასების 12 დღით ონლაინსწავლებაზე გადაყვანა.
მშობლებს მინდა ვთხოვო, რომ თუ აქვთ რამე სიმპტომები მათი ოჯახის წევრებს ან ჰქონდათ კონტაქტი ინფიცირებულებთან ან მათ უბანში არის ინფიცირების შემთხვევა, თავი შეიკავონ ამ შემთხვევაში მოსწავლეების სკოლაში გამოშვებისგან. ჩვენ გვაქვს სერვისი, რომ ასეთ შემთხვევაში მშობლის განცხადების საფუძველზე შესთავაზოს ონლაინსწავლება“,_ ამბობს იმედაშვილი.
[sexy_author_bio]
