მოსწავლე-ახალგაზრდობის სახლის ყოფილი დირექტორი და გურიაში კარგად ცნობილი მანანა მენაბდე გარდაიცვალა. სოციალურ ქსელში მისი მეგობრები და ახლო ნათესავები არაერთ თბილ მოგონებებს წერენ მასზე. ერთ-ერთი მათგანია მუსიკოსი, ლევან ჩხაიძე.
„მთლად სიყრმიდან ვიცნობდი… ჯერ იმით დამამახსოვრდა, სულ როგორი კოპწია იყო, ფერადი და მაღალ ქუსლებზე… უკვე მოზარდობაში გავიცანი, როგორც ორგანიზატორი, როგორც მტკიცე ხელმძღვანელი…რომ ვეცადო,ვერც კი გავიხსენებ მის მიერ ორგანიზებული ღონისძიებების რაოდენობას ყველა რანგისა და მასშტაბის,რომელთაც არასოდეს გამოვკლებივარ….უკვე ყმაწვილკაცობაში მე ის გავიცანი,როგორც ძლიერი,უშიშარი,მებრძოლი,სიახლეების არმოშიში,რეფორმატორი,რისკიანი ,მეგობრობისა და პრინციპების ერთგული ქალი,რომელიც მართლა სამაგალითოდ მშვიდად ხვდებოდა მის ცხოვრებაში გაელვებულ მარცხებს და მერე ვხედავდი, როგორ ღირსეულად უბრუნდებოდა თავის ადგილს და მდგომარეობას! დიდი მასშტაბები იყო ამ პატარა მანანაში თავმოყრილი,განსაკუთრებული სიყვარული თავისი საქმის და გამოცდილებაც და კომპეტენციაც შესაბამისი! ბავშვობიდან დღემდე ვგრძნობდი მის განსაკუთრებულ სიყვარულს,ნდობას და პატივისცემას!
მადლობელი ვარ შენი უამრავი ბედნიერი დღისთვის,შავბნელ 90-იანებში ბედნიერი ბავშვობისთვის,ერთგული მეგობრობისთვის,კიდევ უამრავი ბევრი რამისთვის….და იმ ერთადერთი კონცერტისთვის,ჩემს მშობლიურ ქალაქში რომ გვქონდა მე და ჩემს მარეხის….გული მწყდება,რომ ასე ვრცლად სიცოცხლეში ვერ გითხარი ეს ყველაფერი, მაგრამ იმასაც სულ ვგრძნობდი,ნებისმიერი ჩემი წარმატებით როგორ ხარობდი და ამას შენს წარმატებადაც ღებულობდი.
მშვიდობით ჩემო მანანიკო…დამაკლდები, დააკლდები ჩვენს ოზურგეთს….“ – წერს ლევან ჩხაიძე ფეისბუქზე.
ავტორი
