მსოფლიოში სურსათის ფასებმა რეკორდულ ნიშნულს მიაღწია, რადგან შავი ზღვის რეგიონში ომმა ძირითადი მარცვლეულისა და მცენარეული ზეთების ბაზრებზე შოკები გაავრცელა, – ამის შესახებ საუბარია გაერო-ს სურსათისა და სოფლის მეურნეობის ორგანიზაციის ანგარიშში.
გაერო-ს სურსათისა და სოფლის მეურნეობის ორგანიზაციის მიხედვით, 2022 წლის მარტის მონაცემები 2021 წლის მარტის მაჩვენებლებზე 33.6 პროცენტით მეტი იყო.
„უკრაინა და რუსეთი ძირითადი საკვები პროდუქტების მთავარი ექსპორტიორები არიან და ომმა მოსავლის წარმოება დააზარალა. მსოფლიოში ხორბლის დაახლოებით 30% მოდის უკრაინასა და რუსეთზე“, – აღნიშნულია ანგარიშში.
