ავსტრალიაში 97 წლის ალან სტიუარტი ყველაზე ხანდაზმული კურსდამთავრებული გახდა. მაგისტრის ხარისხი მან მედიცინის დარგში შტატ სამხრეთ უელსის “SCU”-ის უნივერსიტეტში მიიღო.
მსოფლიოში ყველაზე ხანდაზმული კურსდამთავრებული ქალაქ ლისმორის მაცხოვრებელია. ამ უჩვეულო ტიტულს იგი უკვე მეხუთე წელია ატარებს. 2006 წელს ის გინესის რეკორდების წიგნში იურიდიული ფაკულტეტის დამთავრების შემდეგ მოხვდა.
ხანდაზმული სტუდენტი უმეტესად სახლიდან გაუსვლელად სწავლობდა. მას ელექტრონული მიმოწერა ჰქონდა ლექტორებთან და ლექციებს იშვიათად ესწრებოდა.
თავისი პირველი დიპლომი სტიუარტმა სიდნეის სტომატოლგიური უნივერსიტეტის დასრულებისას, 1936 წელს მიიღო. შემდეგ კი, ჩიკაგოში სტომატოლოგიის ქირურგიაში დოქტორის ხარისხი მიენიჭა.
სტომატოლოგის სპეციალობით სტიუარტი ლონდონში, სიდნეისა და ახალი სამხრეთ უელსის ჩრდილოეთ რაიონებში მუშაობდა. სტუდენტობის ხელახლა შეგრძნების სურვილი მას 90 წლის ასაკში გაუჩნდა.
სტიუარტის თქმით, არასდროს არაა გვიან საკუთარი თავისთვის გამოწვევის გაკეთება და გონების სრულყოფაზე ზრუნვა.
„მარადმწვანე სტუდენტი“ საზოგადოებას არწმუნებს, რომ აღარ აპირებს სწავლის გაგრძელებას, თუმცა სწორედ ასე ამბობდა იგი მაშინ, როცა 2006 წელს თავისი მესამე დიპლომი მიიღო.
