ფეხით მოსიარულეთათვის წლების განმავლობაში მსოფლიოში ყველაზე საშიშ ბილიკს “სამეფო ბილიკი” ეწოდება (El Caminito del Rey). ბილიკი მიუყვება El Chorro-ს ხევს ქალაქ მალაგასთან მდებარე პატარა სოფელ ალორაში. სახიფათო ბილიკი გადის 100-300 მეტრის სიმაღლეზე, მისი სიგრძე 3 კილომეტრია, ხოლო სიგანე 1 მეტრი. ბილიკი დახურული იყო დამთვალიერებლებისგან, თუმცა ის ტურისტებში დიდი პოპულარობით სარგებლობდა და აქ ხშირად იღუპებოდნენ გაბედული ადამიანები.
El Caminito del Rey-ის მშენებლობა 1901 წელს დაიწყო და სამეფო ბილიკი 4 წლის შემდეგ, 1905 წელს გაიხსნა. ბილიკი გადის ორ ჩანჩქერს Choro Falls და Gaitanejo Falls შორის. ეს ბილიკი ჰიდროელექტროსადგურის მომუშავე პერსონალისათვის ააგეს.
სამეფო ბილიკი ძალიან სახიფათო გახლდათ გადაადგილებისათვის: მას არ ჰქონდა ჯებირები, ზოგიერთ მონაკვეთზე ბილიკი ჩაინგრა და დარჩენილი იყო მხოლოდ რკინის კონსტრუქცია, რომლებზეც გადაადგილება სიცოცხლისათვის უკიდურესად საშიშია გახლდათ.
ამ ბილიკს სამეფო ეწოდა 1921 წლიდან, როდესაც კაშხალ Conde del Guadalhorce გახსნის დროს მეფე ალფონსო XIII-მ თავისი ფეხით გაიარა ბილიკი.
2000 წლიდან გადაადგილებისთვის სახიფათო ბილიკი ოფიციალურად დახურული გახლდათ, მაგრამ ყოველდღე რამდენიმე ათეულ „არაოფიციალურ“ სტუმარს მაინც ღებულობდა.
რამდენიმე წლის წინ ესპანეთის მთავრობამ ბილიკის კეთილმოწყობისათვის შვიდი მილიარდი ევრო დახარჯა და სრულყოფილი რეაბილიტაცია ჩაუტარა. დღეს ის უწინდელივით საშიში აღარ გახლავთ. ამის მიუხედავად ტურისტების საყვარელ ადგილად მაინც რჩება.
