(გაგრძელება) გურულები ვართ ძმანებივით ერთად. ბევრი მეგობარიც გევიჩინეთ ინდიელებს უყვართ ნამეტარი სმაი და ზოგიერთი ინდიელი რუსივითაა ეიმყრალებენ ვისკით პირს მთლა დაკარქავენ გონებას ნამეტარი გლახა თრობა იციენ.
ვარდობისთვე იყო. სავარჯიშოთ გევედით, მერე მექსიკელები და ქავბოები მევიდენ მოდი შევეჯიბროთო დოღში კაი ბატონო ვუთხარით. მოგვცენ ნიშანი და დევიძარით. მეორე წრეზე რომ გევედით ნამეტარი ჩამორჩენ მთლა გასკტენ გულზე ატეხენ ყვირილი და გინება მარა გინება უშველიდათ? მაშვინ იყო რომ არისტოს ერთმა დიედევნა იგი დოღში არ იყო ერთი ქავბოი ლაილ ერქვა მათრახი სდრუზა საწყალი არისტო კიღამ ცხენიდან ჩამუარდა რასშობი შე მამაძაღლოო მარა კიდევ ერთხელ გადუჭირა მათრახი არისტო გაკუჭტა საშინლათ დარტყმა ასე არ უნდაო და სდურთა თავში მათრახის ტარი მოწყტა ლაილი ცხენიდან და დიენარცხა ძირს… გამოხტენ მათი აფხანაკები და შემოგვარტყენ წრე ქე დააძრეს თოფები ჩვენ მარტუაი მათრახები გქონდა გევიფიქრე ახლა გაგვათავებენ მეთქი… ელანძე გაჩთა იქინე შოვის მენეჯერი ატეხა ერთი ვაიუშველებელი გაგვაშორა ერთმანეთს. მერე მიხთენ იგენი თავის შეცთომას და შევრიგდით.
ავსტრალიდან ჩამეიყვანენ კაცები მთლა შავები ნიგუზალივით თმები აქვენ, რაცხა უცნაური სასროლ ხმარობენ ბუმურანგს უძახიან ხისგანაა გამონათალი მოკავკული და ბრტყელი რუმ გეისვრი მერე თვითამ უკან გიბრუნდება. ასთე ნადირობენ. ერთმა შოვის კაცმა თხუა მასროლიეო ისროლე მარა ფრთხილათო. კაცმა ვაშკაცურა გეისროლა გაფრენით ქე გაფრინდა მარა მობრუნებული ვეღარ დეიჭირა და მოხთა სახეში და მუუნგრია ყპაი იი აბდალა გადარჩა მარა ყპა აკრული დეიარებოდა კარქა ხანს.
ერთი ციცაი იყო ენ ოქლი იმისანა მსროლელი მე მისდღემჩი არ მინახავს მისი ქმარი ჩაიდობდა პირში სიგარეტს. ოქლი შორიდან დუუმიზნებდა თოფიდან გეისვრიდა და გააგდებინებდა პირიდან. მიზანს ერთჯერ არ ააცილებდა.
(ენი ოუქლი 1860_1926 წწ. ნამდვილი სახელი და გვარია ფებ ენ მოზესი. ,,უაილდ უესთ შოუს” პირველი მონაწილე ქალი, ჩუბინი. შოუში გამოდიოდა 17 წლის განმავლობაში).
წარმატებაც კაი გვქონდა. ფარაც ვიშონეთ გაჭირვების გულიზა თვარა ამ სიშორეზე გადახვეწა ადვილი ხომ არაა. ბიჭეფმა პაწა სახში გზავნიდენ ჯიბაშიც ჩაიდვენ. ნათესავებმაც ამეისუნთქეს მარტუაი ყანის თოხნით ბევრ ვერაფერს იზამ. კლიმენტიმ თავის უნცროს ძმას სტავლის ფულიც კი გოუგზავნა მარა ზოგიერთმა რაც იშონა მაშინვე. გადახვა თამაშს და ლოთობას არ იკლებდენ არაფერ. დარჩენ ცარიელნი. რაცხაით ხომ უნდა ეცხოვრა მუშავობა დეიწყენ მარა აქანე სამუშავოის მოძებნა ნამეტარი ძნელია.
ამ დილაზე წერილი მივიღე. კაცი გაშტერებული ვარ რაფერ ამისრულდა სიძმარი. ბოლო ხანებია რაცხა ცუდ სიძმრებს ვნახულობ. უცნობი ხალხი მესიზმრებოდა მთლა თეთრეფში უცხო ოდაში აქეთ-იქით დეიარებოდენ თითქოსდა რაცხას ეძებდენ. ვაყურებდი ნაცნობია მეთქი მარა მაინც ვერ ვცნობდი მარტო ჯემალაი ვიცანი. იგი იყო და იცინოდა. ასე გაგძელდა რამოდენიმე ღამე ვიცოდი რომ ცუდი ამბავი მელოდა და ამისრულდა ჯემალაის სიკტილი მოულოდნელი იყო ჩემდა ნამეტარი გული დამწყვიტა. კაცის ცხოვრება კაპიკი არ ღირს. რაცხას წვალობ ხლაფორთოფ და უცფათ მუა ნიქელგაბრიელი და გათავდა საქმე.
ბიჭეფმა ინგლისური არ იციან და ამიზა ეშლებათ ხელი. ზოგს ქე ვასტავლი ზოგი კი ღამის სკოლაში დადის. მე ვისტავლე უკვე ინგლისური, აქოურები ამბობენ შენ გუდ ინგლიშ იციო. თუ არ ისტავლი ისთე ძნელია აქანე გაძლება მარა ზოგიერთ ჭკუასუსტს აი არ ესმის და ანდრესდაკარგული გემივით დაიარება. ვერაფერი გავაგებიე ინანებ ვუჩივი აი ამერიკაა ბიძია გურია კი არა. ყური არ მათხოვეს ძველები ამბობდენ: ლუკმაა გლახა საშუარი, თვარა პირი სულ მუდამ ღიააო.
წროულს იმფერი ზამთარი დადგა გარეთ არ გეისვლება დილას ადგომა სიკტილივით მეზარება თფილი ლოგინიდან. ზამთარში შოვი რომ იხურება თავს შენ თვითონ უნდა მუუარო. ბიჭეფი დაბრუნდენ გურიაში. რაცხა საჩუქრები გავატანე. სახლიდან წერილი მივიღე ნენაის ძროხები უყიდია სოფლებში ფირალებიზა ეკზეკუცია ჩამუაყენა თურმე თავრობამ გლახათ ყოფილა საქმე. შეწუხთა ხალხი.
გამოვჩორტნე ჩიჩილაკი. ვემზადებოდით. ჩემმა ნაცნობებმა რო ნახეს შემიჩთენ ჩვენც გაგვიკეთეო. ამერიკელებ ამფერი მსგავსი მისდღემჩი არ უნახავთ მეც გოუკეთე. ნამეტარი გოუხარდათ.
პაწა დანაზოგი შევიტანე ბენქში შავი დღისათვის. სახში შენახვას ბენქში შენახვა ჯობია არაკაცი არ მოგპარავს. (სტილი დაცულია)
გაგრძელება იქნება
