ჩოხატაურში კორონავირუსით ინფიცირების 30 ახალი შემთხვევა დაფიქსირდა. ამის შესახებ „გურია ნიუსს“ ჩოხატაურის საზოგადოებრივი ჯანდაცვის ცენტრში განუცხადეს.
ინფიცირებულებს შორის არიან არასრულწლოვნები. დაფიქსირებულია ორსულის ინფიცირების შემთხვევაც.
ჯანდაცვის ცენტრში ამბობენ, რომ პაციენტების ჯანმრთელობის მდგომარეობა სტაბილურია და გართულებებით არცერთი არ მიმდინარეობს.
ინფიცირების შემთხვევები დაფიქსირებულია ხიდისთავში, ბურნათში, კოხნარში, საჭამიასერში. გარდა ამისა, ინფიცირებულებს შორის სხვა ქალაქში რეგისტრაციის მქონე პირებიც არიან.
ჯანდაცვის ცენტრი მცხოვრებლებს ერთმანეთის სიცოცხლის გადასარჩენად პირბადის ტარებისკენ, ჰიგიენის წესების დაცვისკენ და აცრისკენ მოუწოდებს.
[sexy_author_bio]
