კურო
რა თქმა უნდა, რეიტინგში პირველ ადგილს კუროები იკავებენ. კუროს საჭმლის მომზადებაც უყვარს და მისი მირთმევაც. საოცრად გემრიელი ხელი აქვთ და განსაკუთრებული გემოვნება. მათი მომზადებული კერძების გემოს ვერასოდეს დაივიწყებთ. საჭმლის მომზადების დროს ისინი იყენებენ ფანტაზიას. მომზადების პროცესი კი აბედნიერებთ. კერძებს ისინი სიყვარულით აკეთებენ.
კირჩხიბი
რეიტინგში მეორე ადგილს კირჩხიბი იკავებს. მას სიამოვნებას ანიჭებს მეგობრებისთვის და საყვარელი ადამიანებისთვის გემრიელი კერძების მომზადება. რაც უფრო უყვარს ადამიანი, რომლისთვისაც კერძს ამზადებს, მით უფრო გემრიელი გამოსდის კერძი. კირჩხიბი გურმანია და იცის როგორია ნამდვილი და დაუვიწყარი გემო. ზოდიაქოს ამ ნიშნის ადამიანს შეუძლია გარშემომყოფებს თავისი კერძებით შეაყვაროს თავი. თუ მის მომზადებულ საჭმელს გასინჯავთ კირჩხიბს მიეჯაჭვებით და მასზე დამოკიდებული გახდებით.
სასწორი
ზოდიაქოს ამ ნიშნის ადამიანებს უყვართ უჩვეულო საჭმელების მომზადება. თუ გინდათ, რომ ეგზოტიკური საჭმელების ნამდვილი გემო შეიგრძნოთ, ის სასწორს უნდა მოამზადებინოთ. აღსანიშნავია, რომ სასწორი მკაცრად იცავს მომზადების წესებს და ზუსტად ისე ამზადებს, როგორც რეცეპტების წიგნშია მითითებული. არ სჩვევია ექსპერიმენტები.
თხის რქა
ზოდიაქოს ამ ნიშნის ადამიანებისთვის სამზარეულოშო ფუსფუსი, საჭმელების მომზადება განტვირთვის საუკეთესო საშუალებაა. გარდა იმისა, რომ თხის რქა გემრიელად ამზადებს, ამავდროულად, მისთვის უმნიშვნელოვანესია ჯანსაღი კვება და ცდილობს, ყოველთვის ჯანსაღი საჭმელი მოამზადოს. მას აქვს ნუსხა იმ საჭმელების, რომლის გაკეთებაც ყველაზე კარგად გამოსდის და სწორედ ამ საჭმელებით იწონებს თავს.
ტყუპები
ზოდიაქოს ამ ნიშნის ადამიანები გიჟდებიან გემრიელ საჭმელებზე და არასოდეს აქცევენ ყურადღებას მის სიჯანსაღეს. მათ მიერ მომზადებული კერძები გაჯერებულია სხვადასხვა გემრიელი არომატით.თუ ნამდვილი გემოს შეგრძნება გინდათ, ტყუპების მიერ მომზადებული საჭმელი უნდა მიირთვათ, თუმცა მინერალური წყალი უნდა მოიმარაგოთ. ტყუპები დაინტერესებულები არიან მსოფლიოს სხვადასხვა ქვეყნების სამზარეულოთი და ხშირად მიმართავენ ექსპერიმენტებს.
