ნატოს წევრი ქვეყნების ჯგუფმა შესაძლოა გადაწყვიტოს შეიარაღებული ძალების გაგზავნა უკრაინის დასახმარებლად, თუ ალიანსის სხვა წევრები კიევს არ მისცემენ უსაფრთხოების ეფექტურ გარანტიებს ვილნიუსში, ივლისის სამიტზე – ამის შესახებ NATO – ს ყოფილმა გენერალურმა მდივანმა ანდერს რასმუსენმა განაცხადა.
ამ კვირის დასაწყისში უკრაინის პრეზიდენტმა ვოლოდიმირ ზელენსკიმ განაცხადა, რომ ის მიიღებს მოწვევას ივლისში ნატოს სამიტზე დასასწრებად მხოლოდ გარკვეული პირობებით.
მისი თქმით, ეს სამიტი კარგი პლატფორმა იქნება უკრაინის უსაფრთხოების გარანტიების შესახებ დოკუმენტების ხელმოწერისთვის. წინააღმდეგ შემთხვევაში, ზელენსკიმ თქვა, რომ აზრს ვერ ხედავს ასეთ შეხვედრებში.
რასმუსენის თქმით, მნიშვნელოვანია, რომ უკრაინამ მიიღოს უსაფრთხოების წერილობითი გარანტიები, სასურველია სამიტამდე, შესაძლოა ნატოს გარეთ. ეს გარანტიები უნდა მოიცავდეს დაზვერვის გაზიარებას, ერთობლივ წვრთნებს, საბრძოლო მასალის წარმოების გაზრდას, ნატოს სტანდარტებთან თავსებადობას და იარაღის საკმარისი რაოდენობით მიწოდებას რუსეთის ახალი თავდასხმებისგან შეკავებისთვის.
“თუ ნატო ვერ დათანხმდება უკრაინის მკაფიო გზაზე, აშკარაა იმის შესაძლებლობა, რომ ზოგიერთმა ქვეყანამ კონკრეტული ზომები მიიღოს. ჩვენ ვიცით, რომ პოლონეთს გადაწყვეტილი აქვს უკრაინას კონკრეტული დახმარება გაუწიოს. მე არ გამოვრიცხავ შესაძლებლობას, რომ პოლონეთი კიდევ უფრო ჩაერთოს ამ კონტექსტში ეროვნულ დონეზე, რასაც მოჰყვება ბალტიისპირეთის ქვეყნები – სავსებით შესაძლებელია, ბრძოლის ველზე ჯარების გაგზავნის ვარიანტის ჩათვლით,“ – განაცხადა ანდერს რასმუსენმა.
მისი თქმით, პოლონელები მზად არიან ინიციაციტვა გამოიჩინონ და შექმნანა ,,კეთილი ნების“ კოალიცია“.
,,ვფიქრობ, პოლონელები მზად არიან სერიოზულად განიხილონ ინიციატივის საკუთარ ხელში აღება და „კეთილი ნების კოალიციის“ შექმნა, თუ უკრაინა ვილნიუსის სამიტზე არაფერს მიიღებს. ჩვენ არ უნდა შევაფასოთ პოლონური განწყობა: ისინი გრძნობენ, რომ დასავლეთ ევროპა დიდი ხანია უარს ამბობს რუსული მენტალიტეტის შესახებ მათი გაფრთხილებების გათვალისწინებაზე,” – თქვა ნატოს ყოფილმა ხელმძღვანელმა.
რასმუსენმა, აღნიშნული განცხადება ჩრდილოატლანტიკური ალიანსის ხელმძღვანელის, მისი მემკვიდრის, იენს სტოლტენბერგის განცხადებების ფონზე გააკეთა. მიუხედავად იმისა, შევა თუ არა უკრაინის უსაფრთხოების გარანტიების საკითხი სამიტის დღის წესრიგში, ვაშინგტონის ხელშეკრულების მე-5 მუხლის თანახმად, ნატოს შეუძლია უზრუნველყოს ყოვლისმომცველი უსაფრთხოება მხოლოდ მისი სრულუფლებიანი წევრებისთვის.
მანამდე ვოლოდიმირ ზელენსკიმ აღიარა, რომ უკრაინას ნატოში გაწევრიანების შანსი არ აქვს, სანამ ომი მიმდინარეობს.
”არა იმიტომ, რომ არ გვინდა, არამედ იმიტომ, რომ ეს შეუძლებელია. ჩვენ ადეკვატური ხალხი ვართ და გვესმის, რომ ნატოს არც ერთ ქვეყანას არ ჩავითრევთ ომში,” – თქვა ზელენსკიმ.
თუმცა, რასმუსენმა, Guardian-ის ცნობით, უარყო ეს არგუმენტი. მისი თქმით, ომის დასრულებამდე უკრაინის ნატოსკენ გზის მიცემაზე უარი პუტინისთვის არსებითად ვეტოს ნიშნავდა.
რასმუსენის თქმით, თუ ნატოს სამიტმა შედეგი არ მოიტანა, უკრაინას აქვს ლეგიტიმური უფლება, ამ სახის სამხედრო დახმარებისთვის მიმართოს მონაწილე ქვეყნებს ინდივიდუალურად.
„საკმაოდ ნელი დაგროვების შემდეგ, ამ ტიპის იდეები ახლა თავდაჯერებულად იძენს იმპულსს“, – დაასკვნა ნატოს ყოფილმა ხელმძღვანელმა.
ავტორი
