ნავი, რომლითაც 8 ადამიანი მგზავრობდა, სახლს დაეჯახა. შემთხვევა მისურის შტატში, ოზარკების ტბაში ღამით მოხდა. ინფორმაციას Today ავრცელებს.
მედიაში გავრცელებული ინფორმაციით, შემთხვევის შედეგად ნავში მყოფი ადამიანები დაშავდნენ, სახლის პატრონებს კი მშვიდად ეძინათ და მხოლოდ ხმაურმა გააღვიძა. გარეთ გამოსულებმა კი ეზოში ნავი და მიმოფანტული დაშავებული ადამიანები ნახეს.
როგორც ცნობილია, შემთხვევის შემდგეგ პოლიციამ ნავის მესაჭე დააკავა. მას ბრალად ედება ნასვამ მდგომარეობაში ნავის მართვა, რამაც სხეულის მძიმე დაზიანება გამოიწვია.
დაზიანებულია საცხოვრებელი სახლიც, რომელსაც ნავი შეეჯახა.
როგორც ცნობილია, ნავში 21-52 წლამდე ასაკის 8 ადამიანი, მათ შორის ოთხი ქალი და ოთხი კაცი იმყოფებოდნენ. ისინი სხვადასხვა შტატების მცხოვრებლები არიან და არცერთს არ ეცვათ უსაფრთხოების ჟილეტი.
