მსახიობმა ნინო კასკრაძემ გადაცემაში „რეალური სივრცე“ ომის პროპაგანდაზე ილაპარაკა.
მან 9 აპრილის დღე და მასთან დაკავშირებული ისტორიები გაიხსენა, პარალელები გაავლო დღევანდელობასთან და თქვა, რომ ომში, პროპაგანდა 9 აპრილსაც ზუსტად ისევე მუშაობდა, როგორც დღეს.
„9 აპრილს 19 წლის ვიყავი. ავად ვიყავი და 21 დღე სახლში უნდა დავრჩენილიყავი.
მე იმ ნაწილში ვიყავი რომელიც რუსთაველზე არ იდგა.
9 აპრილის შემდეგ ერთი წლის თავზე საზღვარგარეთ ნათესავებმა მიგვიწვიეს. მოსკოვში ჩავედით და როდესაც ტაქსიში ჩავსხედით მე და ჩემი და მძღოლმა გვითხრა, ქართველები ხართ? მოდიხართ ჩვენზე, რუსებზე ნიჩბებითო?
იმ ნიჩბებით ჩვენი გოგონები და ქალები რომ დახოცეს.. მახსოვს ძალიან დღეში ჩავცვივდით, აი როგორ მუშაობდა პროპაგანდა მაშინაც, მიუხედავად იმისა, რომ მაშინ არ იყო სოციალური ქსელები. ჩემთვის იქ მოხდა 9 აპრილი.
მაოცებს ხალხი, რომელიც ამ კადრებს უყურებს ბუჩაში, ირპენში, ნიკოლაევში და თავის თვალს არ უჯერებს, ეს განსაცვიფრებელია.
ადამიანური, უბრალო განცდა სად წავიდა?
სოლიდარობაა მთავარი, ერთად დგომაა მთავარი, ის რასაც უკრაინელი ხალხისგან ვხედავთ. ჩვენ არ ვართ ომში, ჩვენ ფუფუნებაში ვართ, როდესაც შეგვიძლია ერთმანეთის ზურგს უკან უჩხიკინო.
რომ ამბობენ ომი გინდა? ჩვენ არ ვართ ომში, ვიტყუებით. ომს არ აქვს ეს ფუფუნება, ომს ერთად დგომა სჭირდება.
სცენაზე დგომის დროს ჩემი მაყურებელი არის ყველა. როგორ დაუშვებ იმას, რომ ერთს გაუგზავნო მესიჯი და არა ყველას. ყოველთვის შენ ამომრჩეველს როგორ შეიძლება ელაპარაკო, პირიქით იმას უნდა ელაპარაკო, ვინც შენ არ გეთანხმება“, – ამბობს ნინო კასრაძე.
წყარო: fortuna.ge
