დღეს, ბათუმში პედაგოგების მცირე ნაწილმა სოლიდარობის აქცია გამართა.
აქციის მონაწილეები აპროტესტებენ თავისი კოლეგის ნინო დათაშვილის დაკავებას და მოუწოდებენ ხელისუფლებას გაათავისუფლონ ის პატიმრობიდან.
პედაგოგი, აქციის მონაწილე ზეინაბ შავაძე ჩვენთან საუბრის დროს ამბობს, რომ ნინოს თხოვნა იყო დაკავების შემდეგ რომ ერთი თვით გამოეშვათ ციხიდან, რადგან მისი შვილი ერთიან ეროვნულ გამოცდებს აბარებს.
“ნინოს უთხრეს უარი და ეს ყველაფერი რაც მის თავდ ხდება ახლა არის კოშმარი,” – ამბობს ზეინაბ შავაძე.
მისივე თქმით: დღევანდელ აქციაზე გამოვედი იმიტომ რომ უსამართლოება ხდება საქართველოში. აკავებენ და ციხეში უშვებენ ჟურნალისტებს, პედაგოგებს, პოეტებს, სტუდენტებს, მსახიობებს და ნამდვილ კრიმინალებს არავინ აკავებს. როცა ქვეყანაში პოლიტიკური ტრიბუნებიდან ოჯახის სიწმინდეზე გველაპარაკებიან “ქართული ოცნების” პილიტიკოსები არ ითვალისიწნებენ ნინო დათაშვილის თხოვნას ერთიან ეროვნულ გამოცდებზე შვილის გვერდით იყოს.
აქციაზე “გურია ნიუსმა” კიდევ ერთი პედაგოგი ჩაწერა.
ნინო კაკულია ამბობს, რომ ქვეყანაში მძიმე სიტუაცია არის.
ნინო კაკულია: ინტელენგიციას შეეხნენ და ეს არის ძალიან მძიმე ქმედება. აქციაზე იმიტომ გამოვედი სოლიდარობა და ჩემი მხარდაჭერა გამოვუცხადო ნინო დათაშვილს. ვინც აქციაზე ვდგავართ ყველას გვემუქრება ის რაც დამართეს ნინო დათაშვილს.
“ნინო დათაშვილი არის სამოქალაქო განათლების მასწავლებელი, სამოქალაქო აქტივისტი, ერთი შვილის დედა , რომელიც აღმოჩნდა მორიგი მსხვერპლი დრაკონული კანონების რეჟიმის, რომლიც არ იდობს არცერთი პროფესიის ადამიანს. არ ინდობენ არავის ვინც ხელისუფლებას აკრიტიკებს,” – გვითხრა აქციის ორგანიზატორმა მალხაზ ჭკადუამ.
მისივე თქმით, ნინოს ედავებიან პრაქტიკულად იმავე სიმძიმის
მუხლს რასაც მზია ამაღლობელს.
მალხაზ ჭკადუა: ქალი რომელიც გაჰყავდა 4 თუ 5 მანდატურს გახდა მათივე ძალადობის მსხვერპლი და სახელმწიფომ ამის ნაცვლად დაიწყო მის წინააღმდეგ სისხლის სამართლის დევნა და პრაქტიკულად გვითხრა ყველას: არ მაინტერესებს თქვენი არცერთი გარემოება, რომელიც შეიძლება ეხებოდეს თქვენ პროფესიულ გამოცდილებას, ის თუ რა მდგომარეობაში ხართ, აბიტურიენტი გყავთ თუ არა შვილი…
