ნიუ-იორკის სასამართლომ მსახიობ კევინ სპეისის წინააღმდეგ სექსუალური ძალადობის სარჩელი არ დააკმაყოფილა.
საქმე ენტონი რაპმა აღძრა, რომელიც ამბობს, რომ მსახიობი მას უადგილოდ შეეხო წვეულებაზე 1986 წელს, როდესაც ის 14 წლის იყო.
რაპმა, რომელიც ახლა 50 წლისაა და ასევე მსახიობია, სარჩელი შეიტანა 2020 წლის სექტემბერში და ითხოვდა, დაახლოებით, 40 მილიონი დოლარის (36 მილიონი ფუნტი) ზარალის ანაზღაურებას.
ხუთშაბათს, მანჰეტენის ფედერალურ სასამართლოში სამკვირიანი სამოქალაქო სასამართლო პროცესის შემდეგ, ნაფიცმა მსაჯულებმა დაადგინეს, რომ ბატონმა რაპმა ვერ დაამტკიცა თავისი პრეტენზია, რომ მისტერ სპეისიმ არასასურველი სექსუალური შეხება მოახდინა.
მსჯელობა საათზე მეტხანს გაგრძელდა, მოსამართლეს სასამართლო განაჩენის წაკითხვის შემდეგ მისტერ სპეისმა სასამართლო დარბაზი დატოვა
რაპი ამბობდა, რომ მისტერ სპეისი, დაახლოებით, 26 ან 27 წლის იყო, როცა მას შეხვდა წვეულებაზე მანჰეტენის ბინაში. 2017 წლის ოქტომბრის Buzzfeed-ის სტატიაში რაპი ჰყვებოდა, რომ კევინ სპეისმა ის აიყვანა ბინაში, დააწვინა საწოლზე და ნაწილობრივ ზემოდან დააწვა – “ვიცოდი, რომ ის ცდილობდა ჩემთან სექსუალური კავშირის დამყარებას”.
სპესი უარყოფს მის წინააღმდეგ წაყენებულ ბრალდებებს – “მე არ ვიცი, როგორ შეიძლება ეს სიმართლე იყოს” – თქვა 63 წლის მსახიობმა. და დასძინა, რომ ის არ იქნებოდა სექსუალურად დაინტერესებული მისტერ რაპით, რადგან ის არასრულწლოვანი იყო.
სპეისიმ სასამართლო პროცესის დროს საკუთარი თავის დასაცავად თქვა, რომ შოკირებული იყო, როცა რეპმა თავისი ბრალდებები საჯაროდ გამოაცხადა.
მისტერ სპეისის ადვოკატმა ჯენიფერ კელერმა თქვა, რომ მისტერ რაპის ამბავი ფაბრიკაციაა, რაპი “ამ სასამართლო პროცესზე უფრო მეტ ყურადღებას იპყრობს, ვიდრე მთელი მისი სამსახიობო ცხოვრების განმავლობაში”.
სპეისის წინააღმდეგ საქმე ლონდონის სასამართლოშიცაა აღძრული. მსახიობი 5 საქმეზე თავს უდანაშაულოდ მიიჩნევს. საქმეების განხილვა 2023 წელს დაიწყება.
ავტორი
