ოკუპირებულ დონეცკიდან რუსეთში ევაკუირებული მოსახლეობის სახლების მასობრივი ძარცვა დაიწყო – ამის შესახებ ინფორმაციას ადგილობრივი მედია grosi.zna უკრაინის შინაგან საქმეთა მინისტროზე დაყრდნობით წერს.
გამოცემა წერს, რომ დონბასიდან რუსეთის ფედერაციის ტერიტორიაზე გაყვანილ ადამიანები ორი დღეა აღარ იკვებებიან, დაძინების საშუალებაც არ აქვთ.
უმაღლესი რადას ადამიანის უფლებათა კომისარმა ლუდმილა დენისოვამ განაცხადა, რომ როსტოვის ოლქში იძულებით გადასახლებული ORLDO-ს მცხოვრებლები უკვე თითქმის ორი დღეა საკვებისა და ძილის გარეშე არიან. ასევე, ავტობუსებში გათბობა არ იყო, ჩამოსვლისთანავე აღმოჩნდა, რომ დროებითი საცხოვრებელი დაკეტილი იყო.
მისი თქმით, როგორც ირკვევა, ბავშვებსა და მოხუცებს არ მიეწოდებათ ცხელი საკვები და სამედიცინო მომსახურება. ზოგიერთი მოქალაქე ქალაქ ტაგანროგში სპორტდარბაზში მოათავსეს.
„მივმართავ UNHCR-ს და მსოფლიო საზოგადოებას, სასწრაფოდ უპასუხონ რუსეთის მიერ ომის დროს სამოქალაქო პირების დაცვის კონვენციის 49-ე მუხლის დარღვევას უკრაინის მოქალაქეების ოკუპირებულ ქვეყანაში უკანონო ევაკუაციისთვის“, – ნათქვამია განცხადებაში.
უკრაინის შინაგან საქმეთა მინისტრის მოადგილის, ანტონ გერაშჩენკოს ანგარიშში კი, აღნიშნულია, რომ ევაკუირებულების 100-მდე ბინა გაძარცვეს, მძარცველებს ევაკუირებულთა სიები ჰქონდათ და მათი გამოყენება შეეძლოთ.
“ოკუპირებულ ტერიტორიებზე დაიწყო იმ საბრალო უკრაინელების ბინებისა და სახლების მასობრივი ძარცვა, რომლებიც იძულებულნი გახდნენ და ევაკუაცია მოახდინეს. საბრალო ხალხი!” – წერს გერაშჩენკო Telegram-ში.
როგორც გამოცემა წერს, უკვე გაძარცულია 100-ზე მეტი ბინა, მათგან 56 დონეცკში და 42 მაკეევკაში.
„მძარცველებს შეეძლოთ ბინების დაბომბვა არა შემთხვევით, არამედ მიზანმიმართულად ევაკუირებულთა სიების გამოყენებით“ – ნათქვამია განცხადებაში.
[sexy_author_bio]
