ონკოლოგიური დაავადებების სამკურნალო მედიკამენტებზე ფასები განახევრდება – ჯანდაცვის სამინისტრომ წამლის მწარმოებელ კომპანია Roche-სთან მემორანდუმი უკვე გააფორმა. უწყება ინოვაციურ ონკოლოგიურ წამლებს პირდაპირი შესყიდვის გზით შეიძენს და პაციენტების საჭიროებას სრულად დაფარავს.
პირდაპირი წესით მედიკამენტების შეძენით, სახელმწიფოს შესაძლებლობა აქვს, მკურნალობა მეტ პაციენტს დაუფინანსოს და დაფინანსებული წამლების რაოდენობაც გაუზარდოს. ჯანდაცვის სამინისტროში მემორანდუმის გაფორმებას შვეიცარიის კონფედერაციის ელჩიც ესწრებოდა.
ჯანდაცვის სამინისტროს ამ რეფორმის მიზანი მოსახლეობისთვის მაღალხარისხიან მედიკამენტებზე ხელმისაწვდომობის გაზრდაა. პროცესს წამლების პირდაპირი გზით შესყიდვა სრულად უზრუნველყოფს. ონკოლოგები ამბობენ, რომ დღევანდელი შეთანხმებით პაციენტები მაღალხარისხიანი მედიკამენტებითმკურნალობას, დანახარჯის გარეშე შეძლებენ. წამლებზე ხელმისაწვდომობის გაზრდის მიზნით, მედიკამენტებისუშუალოდ მწარმოებლისგან შესყიდვა, ჯანდაცვის სამინისტროს მიერ განხორციელებული რეფორმების ნაწილია.
ინიციატივა პრემიერ-მინისტრს ეკუთვნის. პრეპარატებზე ჯიბიდან გადახდების შესამცირებლად, საქართველოს მთავრობის გადაწყვეტილებით, 2022 წელს თურქული ფარმაცევტული ბაზარი გაიხსნა, დაინერგა ელექტრონული რეცეპტების სისტემა, 3200-ზე მეტ მედიკამენტზე კი ფასის ზედა ზღვარი დაწესდა. შედეგად, მედიკამენტების ფასი,საშუალოდ, 60%-ით შემცირდა.
