ლანჩხუთის საარჩევნო ოლქში ორაგვის საარჩევნო უბანზე, სადაც სულ 47 ამომრჩეველია რეგისტრირებული, არჩევნებში მონაწილეობა 35 ადამიანმა მიიღო. აქედან 13 ხმა მმართველი გუნდის მხარდაჭერილმა კანდიდატმა სალომე ზურაბიშვილმა მიიღო. გრიგოლ ვაშაძის სასარგებლოდ 10-მა ამომრჩეველმა დააფიქსირა საკუთარი არჩევანი, დავით ბაქრაძეს კი რვამ დაუჭირა მხარი. თითო-თითო ხმა კახა კუკავამ და დავით უსუფაშვილმა მიიღეს. ორი ბიულეტენი ბათილად გამოცხადდა.
