ასტროლოგები ე.წ. ინკარნაციის პრინციპს აღიარებენ და მიაჩნიათ, რომ ადამიანებს არაერთგზის უწევთ ამქვეყნად დაბადება საიმისოდ, რომ მათმა სულმა ევოლუციის ხანგრძლივი გზა განვლოს, განვითარდეს, წარსული შეცდომები გამოისყიდოს და ახალი ცოდნა შეიძინოს სამომავლოდ. ამიტომაც არის, რომ ზოგიერთი ჩვენგანი დიდი შინაგანი ინტელექტითა და სიბრძნით იბადება, ზოგს კი ზემოხსენებული გამოცდილება დიდი შრომისა და გამოცდების ფასი უღირს. მაინც როგორ უნდა ამოვიცნოთ, მერამდენე დაბადებაა ჩვენი ამქვეყნად ამ სხეულსა და ფორმაში?
თქვენ კარგად „კითხულობთ“ ადამიანებს – თუკი ბავშვობის ასაკიდან დააკვირდით იმას, რომ გარშემო მყოფების მიმართ საკუთარი, სპეციფიკური დამოკიდებულება გიმუშავდებათ გაცნობისას, თუკი პირველივე შეხვედრაზე თითქოსდა “რენტგენზე” ატარებთ ახალგაცნობილს და ინტუიციურად ხვდებით, რას ტიპის ადამიანია იგი, რა საფრთხე გელოდებათ მისგან, ე.ი. წინა ინკარნაციაში სოლიდური სულიერი გამოცდილება გაქვთ დაგროვილი და დაახლოებით ათასი ან მეტი წლისაა თქვენი სული რეალურად.
გიყვართ და გსიამოვნებთ მარტოობა – ადამიანების დიდ ნაწილს მარტოობა აშინებს და ძაბავს. თუკი თქვენ იმ ხალხის კატეგორიას განეკუთვნებით, ვისაც მარტოდ დარჩენა თავისებურ ადრენალინად, სასიცოცხლოდ მნიშვნელოვან დოპინგად მიაჩნია, თუკი მარტოობაში უკეთ სწავლობთ, ფიქრობთ ან აანალიზებთ მოვლენებს, ეს იმას ნიშნავს, რომ თქვენი სული რამდენიმე ინკარნაციაშია ნამყოფი და მიეჩვია იმას, რომ ყველა კითხვაზე პასუხი საკუთარ თავში მოიძებნება.
ავტორი
