ოზურგეთის რაიონულ სასამართლოში, ბრალდებულის, ოზურგეთის მუნიციპალიტეტის სოფელ მერიაში მცხოვრები ზურაბ გუჯაბიძის მიმართ წინასასამართლო სხდომა გაიმართა.
1974 წელს დაბადებულ ზურა გუჯაბიძეს ბრალი სსკ108 მუხლით ედება, რაც განზრახ მკვლელობას გულისხმობს და 7-დან 15-წლამდე პატიმრობას ითვალიწინებს.
ზურაბ გუჯაბიძემ სანადირო თოფის გასროლით მოკლა 30 წლის ბაჩო ბოლქვაძე. ბრალდებულის ინტერესებს ადვოკატები მერაბ ფუტკარაია და გრიგოლ თუთბერიძე იცავენ.
აღნიშნული სასამართლო პროცესი 2 საათით დაგვიანებით დაიწყო. რამაც სასამართლოზე დამსწრე საზოგადოების გაღიზიანება გამოიწვია.
საქმეს პროკურორი მალხაზ სირაძე იძიებს. რომელმაც სასამართლოზე საქმის მასალებში არსებული მტკიცებულებების ნუსხა წაიკითხა.
ბრალდებული ზურაბ გუჯაბიძე დუმილის უფლებას იყენებს, მისმა უფლებების დამცველმა გრიგოლ თუთბერიძემ განაცხადა, რომ ბრალდებული წარდგენილი ბრალდებაში თავს დამნაშავედ არ სცნობს და მუხლის გადაკვალიფიციერბას მოითხოვს.
მოსამართლე გიორგი ზვიადაძემ ბრალდებულს შესთავაზა, რომ აღნიშნული საქმე, მისი სურვილის შემთხვევაში, ნაფიცმსაჯულებს გადაეცემოდა განსახილველად, რაზეც ზურაბ გუჯაბიძემ უარი განაცხადა.
მორიგი სასამართლო პროცესი 12 ოქტომბერს 3 საათზე ჩაინიშნა. საქმეს ოზურგეთის რაიონული სასამართლო არსებითი განხილვის ეტაპზე წარმართავს.
