ბოლო რამდენიმე თვის განმავლობაში, Omicron-ის ქვევარიანტები BA.4 და BA.5 დომინირებდნენ აშშ-ში, მაგრამ ახლა, ახალი COVID ქვევარიანტების კლასი იზრდება და განსაკუთრებით ერთი იქცევს დიდ ყურადღებას.
როგორ უილიამ შაფნერი, ინფექციური დაავადების სპეციალისტი ამბობს, XBB ძალიან სწრაფად ვრცელდება და, როგორც ჩანს, შეუძლია თავი აარიდოს იმუნიტეტს, რომელიც ადამიანებმა შეიძინეს COVID-19 ინფექციის წინა შტამების გადატანის ან ვაქცინის გაკეთების შედეგად.
XBB არის Omicron-ის ვარიანტების ერთ-ერთი „ახალი კლასი“, რომელიც ახლა სწრაფად ვრცელდება, ამბობს თომას რუსო, M.D., პროფესორი და ინფექციური დაავადების ხელმძღვანელი ნიუ-იორკში, ბუფალოს უნივერსიტეტში. ეს მოიცავს BQ.1.1, BQ.1, BQ.1.3, BA.2.3.20 და XBB, ამბობს ის.
„XBB არის ომიკრონის BA.2 ფორმის ორი შტამის ჰიბრიდული ვერსია“,_ განმარტავს ამეშ ა. ადალჯა, ჯონ ჰოპკინსის ჯანმრთელობის უსაფრთხოების ცენტრის უფროსი მეცნიერი.
ცნობისთვის, კოვიდის ახალი ვარიანტი პირველად აღმოაჩინეს 2022 წლის აგვისტოში ინდოეთში და მას შემდეგ დაფიქსირდა 17-ზე მეტ ქვეყანაში, მათ შორის ავსტრალიაში, ბანგლადეშში, დანიაში, ინდოეთში, იაპონიასა და აშშ-ში.
ჩინეთში მკვლევართა წინასწარი ბეჭდვითი კვლევის მიხედვით, XBB-ს აქვს უნარი, თავი აარიდოს ანტისხეულების დაცვას ამ ახლად გაჩენილი COVID ვარიანტებისგან. ამ კვლევამ თქვა, რომ Omicron-ის და, კერძოდ, XBB-ის ახალი შტამები „ანტისხეულებისგან თავის არიდების ყველაზე მეტად გამოცდილი შტამებია, ბევრად აღემატება BA.5-ს და უახლოვდება SARS-CoV-1 დონეს“. (SARS-CoV-1 არის კორონავირუსის შტამი, რომელიც იწვევს SARS-ს, რესპირატორულ ვირუსს, რომელსაც შეუძლია გამოიწვიოს მძიმე დაავადება.)
ჯერჯერობით, XBB-ის სიმპტომები, როგორც ჩანს, ისეთივეა, როგორიც იყო ზოგადად COVID-19-ის.
CDC-ს მიხედვით, სიმპტომები შეიძლება იყოს ცხელება ან შემცივნება, ხველა, ქოშინი ან სუნთქვის გაძნელება, დაღლილობა, კუნთების, სხეულის, თავის ტკივილი, გემოს ან ყნოსვის ახალი დაკარგვა, ყელის ტკივილი, სურდო, დიარეა.
Omicron-ის სხვა შტამების მსგავსად, XBB ითვლება ძალიან გადამდებად. სინგაპურის ჯანდაცვის სამინისტრო აღნიშნავს, რომ ვარიანტი ახლა ქვეყანაში COVID-19 შემთხვევების 54%-ს შეადგენს, რაც წინა კვირაში დაფიქსირებულ 22%-ს აღემატება.
სინგაპურის ჯანდაცვის სამინისტრო ამბობს, რომ XBB არის „სულ მცირე, ისეთივე გადამდები, როგორც ამჟამად მოცირკულირე ვარიანტები“, მაგრამ დასძენს, რომ „არ არსებობს მტკიცებულება იმისა, რომ XBB იწვევს უფრო მძიმე დაავადებას“.
ამჟამად ბევრი რამ უცნობია XBB-ის შესახებ. მიუხედავად იმისა, რომ ის აღმოჩენილია აშშ-ში, BA.5 და BA.4.6 კვლავ დომინანტური ვარიანტებია ამ ქვეყანაში, CDC-ის მონაცემებით.
სხვა ვარიანტებიც ერთდროულად ვრცელდება, _ ამბობს დოქტორი ადალჯა, და გაურკვეველია, რომელი გადაანაცვლებს BA.4.6 და BA.5-ს აშშ-ში, თუ ეს მოხდება.
„სავარაუდოდ, ის გარკვეულწილად გავრცელდება შეერთებულ შტატებში, მაგრამ გაურკვეველია, გახდება თუ არა ის, ან სხვა დაკავშირებული ვარიანტი, როგორიცაა BQ.1.1, დომინანტი“, – ამბობს ის.
დოქტორი შაფნერი ამბობს, რომ არსებობს “გარკვეული შეშფოთება” XBB და მისი სხვა ვარიანტების შესახებ. ”მნიშვნელოვანია დაკვირვება, თუ რა მოხდება მომდევნო რამდენიმე კვირის განმავლობაში,” – ამბობს ის.
