2017 წლის 20 ივლისს, ოზურგეთში, სასტიკად მოკლული 42 წლის გურამ ფოცხიშვილის და მისი დის ქმრის 33 წლის დიმა ომოლჩენკოს მკვლელობაში ბრალდებული კახა მეგრელიშვილი, მეტსახელად “ბუძგია” დაკავებულია.
“გურია ნიუსის” მიერ ექსკლუზიურად მოპოვებული ინფორმაციის თანახმად, მეგრელიშვილი თურქეთში იმყოფებოდა და შინაგან საქმეთა სამინისტრომ თურქ კოლეგებთან თანამშრომლობის შედეგად დააკავა.
ჩვენი წყაროს თქმით, მეგრელიშვილმა საქართველოს საზღვარი უკანონოდ გადმოლახა და სწორედ იმ დროს დააკავეს სარფში ქართველმა სამართალდამცავებმა.
ფაქტი რამდენიმე საათის წინ მოხდა.
1969 წელს დაბადებულ, წარსულში ნასამართლევ კახა მეგრელიშვილს, მეტსახელად “ბუძგიას”, მოსამართლის განჩინების საფუძველზე, დამამძიმებელ გარემოებაში ჩადენილი განზრახ მკვლელობის ფაქტზე, ბრალი დაუსწრებლად წარედგინა 2017 წლის დეკემბერში წარედგინა და აღკვეთის ღონისძიების სახით პატიმრობა შეეფარდა.
მეგრელიშვილი, რომელმაც, 2017 წლის 20 ივლისს, დღისით, იაკობ შემოქმედელის ქუჩაზე, ნათლიის სახლის წინ, საკუთარ ავტომობილში გურამ ფოცხიშვილი და დიმა ომოლჩენკო ჩაცხრილა ერთ წელზე მეტია რაც ძებნაში იყო.
შინაგან საქმეთა სამინისტროს ინფორმაციით, გამოძიებამ დაადგინა, რომ მეგრელიშვილი განაწყენებული იყო ნაცნობზე ფოცხიშვილზე, რომელმაც წარსულში, შეიარაღებულმა სახლში მიაკითხა და მის მეუღლეს ფიზიკური შეურაცხყოფა მიაყენა.
შინაგან საქმეთა სამინისტროს ინფორმაციით, ბრალდებულმა, ანგარიშსწორების მიზნით, ფოცხიშვილის მოკვლა განიზრახა.
“ამისთვის მან სპეციალურად, ფარულად შეიძინა ავტომანქანა და ცეცხლსასროლი იარაღი. გამოძიების ინფორმაციით, მიმდინარე წლის 20 ივლისს, მეგრელიშვილი და მისი თანამზრახველი ავტომობილით აედევნენ მსხვერპლს _ გ.ფ-ს, რომელიც ოზურგეთში, ნათესავთან დ.მ-სთან სთან ერთად ავტომანქანით გადაადგილდებოდა, ავტომატური ცეცხლსასროლი იარაღიდან და მაკაროვის სისტემის პისტოლეტიდან რამდენიმე გასროლით სასიკვდილოდ დაჭრეს ისინი და შემთხვევის ადგილიდან მიიმალნენ” _ აღნიშნავდნენ 2017 წლის დეკემბერში “გურია ნიუსთან” საუბრისას შინაგან საქმეთა სამინისტროში.
უწყების ინფორმაციით, გამოძიებით ასევე დადგინდა, რომ შემთხვევის ადგილიდან მიმალულმა ბრალდებულმა და მისმა თანამზრახველმა ავტომანქანა ოზურგეთის რაიონის სოფელ მელექედურის ტერიტორიაზე დაწვეს და მიატოვეს.
აღსანიშნავია, რომ ამ თემაზე „გურია ნიუსმა“ ჟურნალისტური მოკვლევა მკვლელობიდან რამდენიმე დღეში დაიწყო.
მაშინ, ჩვენთან საუბარში, წყარო ფოცხიშვილის მკვლელობას, 2010 წელს, ბათუმის ციხეში მომხდარ კრიმინალურ ფაქტს უკავშირებდა და აღნიშნავდა, რომ ეს წლების წინ დაწყებული შურისძიების გაგრძელება იყო:
_ 2010 წლის გაზაფხულზე, გურამი ბათუმის ციხეში, სამედიცინო კამერაში სამ პირთან ერთად იჯდა. ნარდს თამაშობდნენ და სწორედ ამ დროს მას ერთ-ერთმა უკანა მხრიდან ხელი კისერში წაუჭირა, ორმა კი მაკრატლით დაჭრა. ეს საქმე მაშინ არავის გამოუძიებია, არც ისაა ცნობილი, ვინ შეიტანა 4-კაციან კამერაში ე. წ. “ქსივა”, რომ იქ “ცუდი ტიპი” და “ქურდების მტერი” იჯდა.
არც ის დადგენილა, როგორ მოახერხეს მაკრატლის შეტანა კამერაშიდა ვინ იდგა ამ ყველაფრის უკან. თუმცა, ეს გურამმა ძალიან კარგად იცოდა და არც ამ ამბავს დატოვებდა “გაურკვეველს”. თუმცა, როგორც ვიცი მამამისის გამოსვლას ელოდებოდა. მანამდე კი ცდილობდა ოჯახიფ ინანსურად უზრუნველყო. იმ ადამიანებმა, რომლებიც ამ ყველაფრის უკან იდგნენ, ბუნებრივია ესეც იცოდნენდა ალბათ, დაასწრეს.
პოლიციას შორს წასვლა არ სჭირდება _ გამოიძიონ 2010 წელს მომხდარი დაჭრა. დაკითხონ ის პირები, ვინცმასში მონაწილეობდა _ ყველანი გარეთ არიან. ერთ-ერთი ოზურგეთელია. დაკითხონ ის კრიმინალურიავტორიტეტი, რომელიც გურამის ყველაზე ძლიერი მტერი იყო და რომელიც უკრაინიდან რამდენიმე თვის წინდაბრუნდა ოზურგეთში. თუკი დაადგენენ, ვინ იყო 2010 წელს დამკვეთი, ამ ამბავსაც გახსნიან. მით უმეტეს, რომადამიანები, რომლებმაც გურამი ციხეში სასიკვდილოდ გაიმეტეს, კრიმინალური სამყარო წევრები არ არიან, რომამით რაღაც “ჩინი” მიეღოთ. უფრო მეტს გეტყვით _ ერთ-ერთი ჩვეულებრივი ტაქსისტია, _ გვიყვებოდა წყარო, რომლის მიერ მოწოდებული ინფორმაცია შსს-მ რამდენიმე თვეში ოფიციალურად დადასტურდა.
კახა მეგრელიშვილი ის ადამიანია, რომელზეც ჩვენი რესპონდენტი საუბრობდა _ ის მიიჩნეოდა ფოცხიშვილის დაჭრის დამკვეთად 2010 წელს და სწორედ ის იმყოფებოდა ოზურგეთში მიმდინარე წლის ზაფხულში _ მაშინ, როცა გურამ ფოცხიშვილი და მისი დის ქმარი უმოწყალოდ ჩაცხრილეს.
ამავე თემაზე: სასტიკი მკვლელობის ახალი დეტალები _ რა იპოვა პოლიციამ დამწვარ მანქანასთან
ორმაგი მკვლელობის ახალი დეტალები _ რა განიხილეს აფხაზეთში გამართულ “სხადნიაკზე”
