„საერთაშორისო გამჭვირვალობა- საქართველო“ ყოფილი მთავარი პროკურორის ქონების შესახებ ინფორმაციას აქვეყნებს – რა შემოსავლების და უძრავი ქონების პატრონი იყო ოთარ ფარცხალაძე და მისი ოჯახი მაშინ, როდესაც ის მთავარი პროკურორის თანამდებობას იკავებდა და რა ქონებას ფლობს ის ახლა?
ორგანიზაციის ცნობით, თანამდებობის დატოვების მომენტისთვის ოთარ ფარცხალაძეს თბილისში 150 კვ.მ-ის ფართობის ბინა ჰქონდა, მის ცოლს კი, საცხოვრებელი სახლი 76 კვ.მ-ის ფართობის. ფარცხალაძის სახელზე იყო გაფორმებული 1994 წელს გამოშვებული ავტომობილი. მის საბანკო ანგარიშებზე კი 30 ათასი ლარი ირიცხებოდა. ამავე პერიოდში ყოფილ მთავარ პროკურორს 100 ათასი ამერიკული დოლარის ოდენობის იპოთეკური სესხი და 20 ათასი დოლარის კრედიტი.
მათივე მონაცემებით, ყოფილი მთავარი პროკურორის ქონება დღევანდელი მდგომარეობით რამდენჯერმეა გაზრდილი. მის სახელზეა რეგისტრირებული თბილისში სამი ბინა, რომელთა ფართიც 220 კვ.მ-ია, ყიფშიძეზე ორი კომერციული ფართი, ჯამში, 305 კვ.მ., ორი კომერციული ფართი ფალიაშვილზე, ჯამში, 479 მ2, მშენებარე ბინა თბილისში (77,5 კვ.მ.) და დაბა ბაკურიანში ორი ბინა, ჯამში, 51 კვ.მ.
გაზრდილია ფარცხალაძის ცოლის ქონებაც. ფარცხალაძის სახელზეა რეგისტრირებული თბილისში სამი ბინა, ჯამში, 251,9 კვ.მ., ორი ავტოსადგომი, ჯამში, 31,2 კვ.მ. და ბინა ბათუმში (44,12 მ2).
საერთაშორისო გამჭვირვალობა საქართველოს მიერ გამოქვეყნებული ინფორმაციით, 2016 წლის ივნისში, 155 ათას ამერიკულ დოლარად გაყიდა 2015 წლის სექტემბერში, 50 ლარად ნაყიდი კომპანია როიალ დეველოპმენტის 40 პროცენტი;
2016 წელს 65 ათას ლარად გაყიდეს ფარცხალაძემ და მისმა ცოლმა შპს მიტერას 100-პროცენტიანი წილი, რომელიც 2014-2016 წლებში 2 500 ლარად იყიდეს;
2016 წლის ივნისში ოთარ ფარცხალაძემ შპს ბი ეს არ სი დი ჯი დეველოპმენტის 100 პროცენტიანი წილი 235 ათას ამერიკულ დოლარად.
