ჩოხატაურის საკრებულოს სხდომაზე კენჭისყრა დასრულდა.
გახარიას პარტიიდან, რომელსაც ჩოხატაურის საკრებულოში 3 წევრი ყავს, გოგი ბოლქვაძემ 4 ხმა მიიღო, “ნაციონალურმა მოძრაობამ” კენჭისყრაში მონაწილეობა არ მიიღო.
ბიულეტენები, იმის ნაცვლად, რომ იქვე, ან იმავე სართულზე დაეთვალათ, სხვა სართულზე წაიღეს და მათ დათვლას საკმარისზე მეტი დრო დასჭირდა.
ლოდინით შეწუხებულ დარბაზში, ხმის დამთვლელი კომისიის არც ერთმა წევრმა არ ისურვა შედეგის გამოცხადება და ყოფილი თავმჯდომარე ზაალ მამალაძე იძულებული გახდა, ეთხოვა კომისიის წევრებისთვის, საეჭვო, მაგრამ შედეგები გამოეცხადებინათ.
კუჭავას ზუსტად საჭირო რაოდენობა _ 19 ხმა დაუსვეს.
ინფორმაციას, რომ წევრების წინააღმდეგობის მიუხედავად, სწორედ კუჭავა გახდა საკრებულოს თავმჯდომარე, დარბაზი სრული მდუმარებით შეხვდა.
როგორც ერთ-ერთი წევრი ამბობს, პარტიიდან რეგიონული სამსახურის უფროსის სამხარაძის პირდაპირმა დავალებამ ამ დღეებში არსებული უმრავლესობის დიდი ნაწილის მხრიდან კუჭავას მიუღებლობა გატეხა, თუმცა, პროტესტი სწორედ ამ მდუმარებით გამოიხატა.
“ოცნების” დეპუტატმა გოჩა ჯიქიამ სხდომაზე განაცხადა, რომ ამ ფორმით არჩეული საკრებულოს თავმჯდომარე, ვერასდროს იქნება მისთვის მისაღები და იგი მათ შორისაა, ვინაც ხმა არ მისცა კუჭავას.
კუჭავას ამ ფორმით არჩევის შემდგომ, მერის კაბინეტი გურიის მაჟორიტარმა დეპუტატმა ვასილ ჩიგოგიძემ და გურიის “ქართული ოცნების” რეგიონული ორგანიზაციის უფროსმა გიორგი ღურჯუმელიძემ “ვალმოხდილებმა” დატოვეს.
შესაბამისი ვიდეოკადრები იხილეთ აქ.
[sexy_author_bio]
